எம்எல்ஏக்களுக்கு அரசு செலவில் காா், உதவியாளா்: முதல்வா் விஜய் அறிவிப்பு

சட்டப்பேரவை உறுப்பினா்களுக்கு அரசு செலவில் காா், உதவியாளா் ஊதியத்துக்காக ரூ.25,000, எரிபொருள் செலவுத் தொகையாக ரூ.75,000 வழங்கப்படும் என்று பேரவையில் முதல்வா் ச.ஜோசப் விஜய் அறிவித்தாா்.

பேரவையில் விதி எண் 110-இன்கீழ் அவா் புதன்கிழமை வெளியிட்ட அறிவிப்பு:

கடந்த 12-ஆம் தேதி காட்டுமன்னாா்கோவில் சட்டப்பேரவைத் தொகுதி உறுப்பினா் ஜோதிமணி பேசும்போது, பல எம்எல்ஏக்களிடம் சொந்தமாக வாகனம் இல்லை என்றும், தொகுதிப் பணிகளை ஆய்வு செய்யவும், பாா்வையிடவும் கடினமாக உள்ளதாகவும், லஞ்சமில்லாத நோ்மையான ஆட்சி அமைய உறுப்பினா்களின் அடிப்படைத் தேவைகளை அரசு பூா்த்தி செய்ய வேண்டும் என்றும் கோரிக்கை வைத்தாா்.

எந்தவொரு பொருளாதார பலமும் இல்லாமல் சட்டப்பேரவை உறுப்பினா்களாகப் பணியாற்றிக் கொண்டிருப்பவா்கள் தங்களின் தொகுதிப் பணிகளை மேற்கொள்ள சொந்தமாக வாகனமோ அல்லது உதவியாளா்களோ வைத்துக்கொள்ள முடிவதில்லை என்றும் தெரிவித்தாா். மேலும், இதுதொடா்பாக கோரிக்கைகளும் வரப்பெற்றன.

மக்களாட்சியின் மிக முக்கியத் தூண்களில் ஒன்றாக விளங்குபவா்கள் சட்டப்பேரவை உறுப்பினா்கள். தமிழ்நாடு சட்டப்பேரவை வரலாற்றில், எளிய பின்னணியில் இருந்து பண பலமோ, அரசியல் பின்னணியோ இன்றி மக்களின் பேராதரவோடு முதன்முறையாக பேரவைக்குத் தோ்வு செய்யப்பட்டுள்ள முதல் தலைமுறை சட்டப்பேரவை உறுப்பினா்களின் எண்ணிக்கை குறிப்பிடத்தக்க அளவில் உயா்ந்துள்ளது.

கடந்த மாா்ச் 29-ஆம் தேதி நடைபெற்ற தவெக வேட்பாளா்கள் அறிமுக கூட்டத்தில் நோ்மையாகவும், வெளிப்படைத்தன்மையுடனும் மக்கள் பணி செய்து, ஊழலற்ற நிா்வாகத்தை மேற்கொள்வது என அனைத்து வேட்பாளா்களும் எடுத்துக்கொண்ட உறுதிமொழிக்கு ஏற்ப, அதே பாதையில் தோ்ந்தெடுக்கப்பட்ட சட்டப்பேரவை உறுப்பினா்களும் செயல்பட்டு வருகின்றனா்.

‘மக்களுக்கான நிா்வாகம்-நோ்மையின் பாதையில்!’ என்ற அடிப்படையில் ஊழலற்ற, நோ்மையான மற்றும் வெளிப்படையான நிா்வாகத்தை அடித்தட்டு மக்கள் வரை கொண்டு சோ்க்கும் நோக்கில், தவெக அரசு செயல்பட்டு வருகிறது.

தங்களது தொகுதி மக்களின் குறைகளைக் கேட்டறியவும், அரசுத் திட்டங்கள் மக்களைச் சென்றடைவதைக் கண்காணிக்கவும், தங்களின் தொகுதி முழுவதும் தொடா் பயணங்களை சட்டப்பேரவை உறுப்பினா்கள் மேற்கொள்ள வேண்டியுள்ளது.

இதற்காக அனைத்து சட்டப்பேரவை உறுப்பினா்களுக்கும் அரசு சாா்பில் வாகனம் வழங்கப்படும். இந்த அறிவிப்பு, சட்டப்பேரவை உறுப்பினா்கள், தங்களின் பயணத் தேவைகளுக்காக பிறரைச் சாா்ந்து இருப்பதைத் தடுத்து, அவா்கள் எவ்வித சமரசமும் இன்றி சுதந்திரமாகவும், நோ்மையாகவும் தங்களின் தொகுதிக்குள்பட்ட கிராமப்புற மற்றும் தொலைதூரப் பகுதிகளுக்கு எளிதாகப் பயணம் செய்து, தொகுதி முழுவதும் உள்ள மக்களை நேரடியாகச் சந்தித்து அவா்களின் குறைகளுக்குத் தீா்வு காண வழிவகுக்கும்.

மேலும், சட்டப்பேரவை உறுப்பினா்கள் தங்களது தொகுதி சாா்ந்த பல்வேறு பணிகளை மேற்கொள்ள ஏதுவாக ஓா் உதவியாளரை நியமித்துக் கொள்வது அவசியம் எனக் கருதப்படுகிறது. எனவே, சட்டப்பேரவை உறுப்பினா்களுக்கு அரசு வழங்கும் வாகனத்தைப் பராமரிக்கும் விதமாக, வாகனத்துக்கு ஓட்டுநா், எரிபொருள், வாகனப் பராமரிப்பு உள்ளிட்ட செலவினங்களுக்காக மாதந்தோறும் ரூ.75,000 வாகனப் படியாகவும், அலுவலகப் பணிகளில் உதவிசெய்ய ஓா் உதவியாளரை நியமித்துக்கொள்ள மாதந்தோறும் ரூ.25,000 உதவியாளா் படியாகவும் வழங்கப்படும். இதற்காக உரிய சட்டத்தில் திருத்தங்கள் மேற்கொண்டு ஆணைகள் வெளியிடப்படும் என்றாா் அவா்.

முதல்வரின் இந்த அறிவிப்பை விசிக எம்எல்ஏ ஜோதிமணி உள்பட உறுப்பினா்கள் பலரும் வரவேற்றனா். பாமக உறுப்பினா் ஏ.கணேஷ்குமாா் வரவேற்றாா். தவெக, காங்கிரஸ், விசிக, ஐயூஎம்எல் அமைச்சா்கள் வரவேற்றனா்.

எம்ஜிஆா் பாடலுடன் வரவேற்ற தவெக எம்எல்ஏ

முதல்வரின் அறிவிப்பை பாராட்டும் வகையில் குடியாத்தம் (தனி) தொகுதி தவெக எம்எல்ஏ கே.சிந்து, ‘கொடுத்ததெல்லாம் கொடுத்தான்...’ எனும் எம்ஜிஆா் திரைப்படப் பாடலை பாடினாா். அதை முதல்வா் விஜய் உள்பட அமைச்சா்கள், தவெக எம்எல்ஏக்கள் ரசித்துக் கேட்டனா்.

பெரியகுளம் (தனி) தொகுதி தவெக எம்எல்ஏ ஜி.சபரி ஐங்கரன் பேசும்போது, நான் சென்னைக்கு ரயிலில் வந்து ஆட்டோவில் தலைமைச் செயலகம் வரும்போதெல்லாம் வாயிலில் காவலா்கள் தடுத்து நிறுத்தி அடையாள அட்டை கேட்கின்றனா். ஆட்டோவில் எம்எல்ஏ வருவாரா என சந்தேகம் கேட்கும்போது தொடா்ந்து விளக்கம் கொடுக்க வேண்டிய சூழல் உள்ளது. அரசு காா் இருந்தால் சென்னைக்கும், தொகுதி முழுவதும் எளிதாக பயணிக்க முடியும் என்றாா் அவா்.

எம்எல்ஏக்களுக்கான ஊதியம்

ரூ.1.80 லட்சமாக உயா்வு

அடிப்படை ஊதியம் ரூ.30,000

மாதாந்திர படி ரூ.10,000

தொகுதிப் படி ரூ.25,000

அஞ்சல் படி ரூ.2,500

தொலைபேசி படி ரூ.7,500

தொகுப்புப் படி ரூ.5,000

வாகனப் படி-ரூ.25,000 (இனிமேல் ரூ.75,000)

உதவியாளா் படி-ரூ.25,000.

-------------------------------

இதுவரை ஊதியம்-ரூ.1,05,000.

உயா்த்தப்பட்ட ஊதியம்-ரூ.1,80,000.