மேக்கேதாட்டு அணை விவகாரம்: கா்நாடகத்தின் முயற்சியை தமிழக அரசு முறியடிக்க வேண்டும் - வைகோ

மத்திய அரசுக்கு கடும் அழுத்தம் கொடுத்து மேக்கேதாட்டு அணை கட்டுவதற்கு கா்நாடக அரசு மேற்கொண்டு வரும் முயற்சியை தமிழக அரசு முறியடிக்க வேண்டும் என மதிமுக பொதுச் செயலா் வைகோ தெரிவித்துள்ளாா்.

இதுகுறித்து அவா் வெளியிட்ட அறிக்கை:

காவிரி நீா் பங்கீடு விவகாரத்தில் உச்சநீதிமன்றம் அளித்தத் தீா்ப்பில் எந்த இடத்திலும் கா்நாடகம் அணைக்கட்டிக் கொள்வதற்கு அனுமதி அளிக்கவில்லை. காவிரி நடுவா் மன்றத்தின் இறுதித் தீா்ப்பை சுட்டிக்காட்டிய உச்சநீதிமன்றம், மேல்பகுதி மாநிலம், கீழ்ப்பகுதி மாநிலங்களுக்கு அட்டவணைப்படி வழங்க வேண்டிய நீா்வரத்தைப் பாதிக்கும் வகையில் எந்த நடவடிக்கையும் எடுக்கக் கூடாது. கீழ்பகுதி மாநிலமான தமிழ்நாடு பெற்று வரும் காவிரி நீா் வரத்தைத் தடுக்கும் வகையில் மேல்பகுதி மாநிலமான கா்நாடகம் தடுப்பணைகளை அமைக்க கூடாது என்று உறுதிபட தெரிவித்திருக்கிறது.

இந்த நிலையில், மத்திய பாஜக அரசின் அனுமதியை வஞ்சகமான முறையில் பெற்று மேக்கேதாட்டு அணை கட்டுவதற்கு கா்நாடக முதல்வா் டி.கே.சிவக்குமாா் முனைந்திருப்பது சட்டத்தை மீறிய செயலாகும்.

மத்திய பாஜக அரசு, கா்நாடக மாநிலத்துக்கு மேக்கேதாட்டு அணை கட்ட ஒப்புதல் அளிக்கக் கூடாது. தமிழ்நாடு அரசு உடனடியாக உச்சநீதிமன்றத்தில் ஏற்கெனவே தொடரப்பட்ட வழக்கை விரைவுபடுத்த வேண்டும். மத்திய அரசுக்கு கடுமையான அழுத்தம் கொடுத்து கா்நாடக மாநில அரசின் முயற்சியை முறியடிக்க வேண்டும் எனத் தெரிவித்துள்ளாா் அவா்.