ஊழலுக்கு பரிகாரம் கூறுவது நீதியரசர்களின் வேலை அல்ல: சு. வெங்கடேசன் எம்.பி.
ஊழலுக்கு பரிகாரம் கூறுவது நீதியரசர்களின் வேலை அல்ல என சு. வெங்கடேசன் எம்.பி. கூறியிருப்பது...
நூலகக் கொள்முதலில் நடந்திருப்பது ஊழல், அது சட்டப்படி தண்டிக்கப்பட வேண்டும். அதுதான் நீதியரசர்களின் வேலை. நடந்திருப்பது பாவம், அதற்குப் புண்ணியம் செய்ய வேண்டும் என்று சொல்லுவது ஜோதிடர்களின் வேலை என மதுரை எம்.பி. சு.வெங்கடேசன் விமர்சனம் தெரிவித்துள்ளார்.
சென்னை மயிலாப்பூரில் நவ.11 ஆம் தேதி எழுத்தாளர் பி.சுவாமிநாதன் எழுதிய "மகா பெரியவா" பாகம் 16 புத்தக வெளியீட்டு விழா நடைபெற்றது.
Advertisement
Advertisement
இதில், சென்னை உயர்நீதிமன்ற நீதிபதி ஜி.ஆர். சுவாமிநாதன் புத்தகத்தை வெளியிட்டு பேசினார். அப்போது, இந்த புத்தகம் செய்யறிவு மூலம் உருவாக்கப்பட்டவை அல்ல. உண்மையான ஆன்மிக அனுபவங்களை உள்வாங்கி எளிய நடையில் எழுதப்பட்டவை.
நூலகங்களுக்கு புத்தக கொள்முதல் ஊழல் பாவம் கழிய வேண்டுமென்றால், "பெரியார் அறிவுலகத்தில் அகல்விளக்கு புத்தகங்கள் அடுக்கி வைக்கப்பட்டிருந்த ரேக்குகளில், மகா பெரியவருடைய புத்தகங்களை அதில் அடுக்கி வைக்க வேண்டும்." அப்போதுதான் அந்த பாவம் போகும் என தான் நம்புவதாக நீதியரசர் ஜி. ஆர். சுவாமிநாதன் கூறினார்.
இந்த நிலையில், நீதிபதி சுவாமிநாதனின் பேச்சுக்கு சு.வெங்கடேசன். எம்.பி. விமர்சனம் தெரிவித்துள்ளார்.
இது குறித்து அவர் சமூக வலைதள பக்க விமர்சன பதிவில்,
"பெரியார் அறிவுலகத்தில் அகல்விளக்கு புத்தகங்கள் அடுக்கி வைக்கப்பட்டிருந்த ரேக்குகளில் பாவங்கள் கழிய வேண்டுமென்றால், மகா பெரியவருடைய புத்தகங்களை அதில் அடுக்கி வைக்க வேண்டும்" என்று நீதியரசர் ஜி. ஆர். சுவாமிநாதன் கூறியுள்ளார்.
நூலகக் கொள்முதலில் நடந்திருப்பது ஊழல், அது சட்டப்படி தண்டிக்கப்பட வேண்டும். அதுதான் நீதியரசர்களின் வேலை. நடந்திருப்பது பாவம், அதற்குப் புண்ணியம் செய்ய வேண்டும் என்று சொல்லுவது ஜோதிடர்களின் வேலை.
சட்டத்தின் ஞானத்திற்காக அம்பேத்கரும், பகுத்தறிவின் ஞானத்திற்காக பெரியாரும் நாள்தோறும் நினைக்கப்படும் "மகா பெரியவர்கள்" என குறிப்பிட்டுள்ளார்.