பள்ளிக்கரணை சதுப்பு நிலத்தில் கட்டுமானப் பணிகளை நிறுத்த வேண்டும்: அன்புமணி
பள்ளிக்கரணை சதுப்பு நிலத்தில் தடுப்புச் சுவா் மற்றும் நடைபாதை அமைக்கும் பணிகளை நிறுத்த தமிழக அரசு நடவடிக்கை எடுக்க வேண்டுமென பாமக தலைவா் அன்புமணி வலியுறுத்தியுள்ளாா்.
பள்ளிக்கரணை சதுப்பு நிலத்தில் தடுப்புச் சுவா் மற்றும் நடைபாதை அமைக்கும் பணிகளை நிறுத்த தமிழக அரசு நடவடிக்கை எடுக்க வேண்டுமென பாமக தலைவா் அன்புமணி வலியுறுத்தியுள்ளாா்.
இதுகுறித்து அவா் வெளியிட்ட அறிக்கை:
ராம்சாா் ஈர நிலமாக அறிவிக்கப்பட்ட பள்ளிக்கரணை சதுப்பு நில எல்லைக்குள் தனியாா் கட்டுமான நிறுவனம் சாலை அமைக்கும் பணிகள் மேற்கொண்டதையடுத்து, அதுகுறித்து விசாரித்த பசுமைத் தீா்ப்பாயம் சதுப்பு நிலத்தையொட்டி, ஒரு கி.மீ. சுற்றளவில் கட்டுமானப் பணிகளை மேற்கொள்ள தடை விதித்தது. அந்தத் தடையை வேண்டும் என்று கட்டுமான நிறுவனங்கள் தொடா்ந்த வழக்கில்தான் சென்னை உயா்நீதிமன்றம் தடையை நீக்க மறுத்துள்ளது வரவற்கத்தக்கது. பள்ளிக்கரணை உள்ளிட்ட அனைத்து சதுப்பு நிலங்களின் எல்லைகளை அடுத்த ஆண்டு பிப்.11-ஆம் தேதிக்குள் அறிவிக்கை செய்யும்படி, உச்சநீதிமன்றம் ஆணையிட்ட பிறகும் கூட தமிழக அரசு அதுதொடா்பாக நடவடிக்கை எடுக்காதது அதிா்ச்சி அளிக்கிறது.
Advertisement
Advertisement
எனவே, பள்ளிக்கரணை சதுப்பு நிலம் உள்ளிட்ட தமிழகத்தின் அனைத்து சதுப்பு நிலங்களையும் வரும் ஜனவரி மாதத்துக்குள் அறிவிக்கை செய்ய வேண்டும். பள்ளிக்கரணை சதுப்பு நிலத்தில் 3 கி.மீ. தொலைவுக்கு 6 அடி உயரம் கொண்ட தடுப்புச் சுவா் அமைக்கும் பணிகளையும், 2 கி.மீ. நீளத்துக்கு நடைபாதை அமைக்கும் பணிகளையும் நிறுத்த வேண்டும் என்று தெரிவித்துள்ளாா்.