சென்னை ஒக்கியம் மடுவு பகுதியில் மழைநீர் வடிகால் பணிகள்: முதல்வர் விஜய் ஆய்வு!

சென்னை ஒக்கியம் மடுவு பகுதியில் நடைபெற்று வரும் மழைநீர் வடிகால் பணிகளை முதல்வர் விஜய் இன்று(அக். 14) ஆய்வு மேற்கொண்டார்.

சென்னைக்கு சீரான குடிநீா் விநியோகம் செய்யும் வகையில் ரூ. 3,108.55 கோடியில் சுற்றுக் குழாய் திட்டத்துக்கு, முதல்வர் ஜோசப் விஜய் சோழிங்கநல்லூரில் இன்று அடிக்கல் நாட்டினார்.

புழல், சோழவரம், செம்பரம்பாக்கம் மற்றும் கடல்நீரைக் குடிநீராக்கும் நிலையங்கள் உள்பட 9 குடிநீர் ஆதாரங்கள் 98 கி.மீ. தொலைவுக்கு இரும்புக் குழாய்கள் மூலம் இணைக்கப்பட உள்ளன.

இதனைத் தொடர்ந்து, முதல்வர் விஜய் சென்னை சோழிங்கநல்லூரில் சாலையில் நடந்து சென்று மக்களை சந்தித்தார். பின்னர், சென்னை துரைப்பாக்கம் ஒக்கியம் மடுவு கால்வாயில் நடைபெற்று வரும் மழைநீர் வடிகால் பணிகளை ஆய்வு மேற்கொண்டார்.

அங்கு, நடைபெற்று வரும் கால்வாய் பணிகள் குறித்து வரைபடம் மூலம் முதல்வர் விஜய்யிடம் அதிகாரிகள் விளக்கினர். இதனைத் தொடர்ந்து, மெட்ரோ ரயில் பணிகளையும் முதல்வர் விஜய் பார்வையிட்டார்.

ஒக்கியம் மடுவு பகுதியில் மழைநீர் தேங்காமல், வெள்ளப்பெருக்கைத் தடுப்பதற்கு இந்த வடிகால் பணிகள் மேற்கொள்ளப்பட்டு வருகின்றன. வடகிழக்குப் பருவமழை தீவிரமடைவதற்கு முன்னதாகவே இந்தப் பணிகளை முடிக்க வேண்டும் என பலரும் கோரிக்கை விடுத்து வருகின்றனர்.