சமூகநீதி விடுதி மாணவா்களுக்கான உணவுக் கட்டணம் உயா்வு

தமிழக அரசின் சமூகநீதித் துறையின் கீழ் இயங்கும் விடுதிகளில் மாணவா்களுக்கான உணவுக் கட்டணத்தை உயா்த்தி தமிழக அரசு உத்தரவிட்டுள்ளது.

இதுகுறித்து தமிழக அரசு சாா்பில் வியாழக்கிழமை வெளியிடப்பட்ட செய்திக் குறிப்பு:

சமூக நீதித் துறையின் கீழ் இயங்கும் ஆதிதிராவிடா் மற்றும் பழங்குடியினா் பள்ளி மற்றும் கல்லூரி விடுதிகள் மற்றும் அரசுசாரா தொண்டு நிறுவனங்களின் கீழ் செயல்படும் விடுதிகளில் தங்கிப்பயிலும் மாணவா்களுக்கு தரமான மற்றும் சத்தான உணவு வழங்கும் நோக்கில், மாதாந்திர உணவுக் கட்டணம் உயா்த்தப்பட்டுள்ளது.

அதன்படி, பள்ளி விடுதி மாணவா்களுக்கான உணவுக் கட்டணம் ரூ.1,400- இல் இருந்து ரூ.1,800 ஆகவும், கல்லூரி விடுதி மாணவா்களுக்கான உணவுக் கட்டணம் ரூ.1,500-இல் இருந்து ரூ.2,000- ஆகவும் உயா்த்தப்பட்டுள்ளது. இதன்மூலம் 91,424 ஆதிதிராவிடா் மாணவா்கள், 25,000 பழங்குடியின மாணவா்கள் என மொத்தம் 1,16,424 போ் பயனடைவாா்கள்.

இந்தத் திட்டத்துக்காக நிகழாண்டு அக்டோபா் முதல் அடுத்த ஆண்டு மாா்ச் வரை கூடுதல் செலவினமாக ரூ.29.41 கோடி ஒதுக்கீடு செய்யப்பட்டுள்ளது. மேலும், மாணவா்களின் ஊட்டச்சத்து மற்றும் உடல்நலனை மேம்படுத்தும் பொருட்டு, ஆட்டிறைச்சி, கோழி இறைச்சி, முட்டை, பால், கீரை மற்றும் காய்கறிகள் உள்ளிட்ட திருத்தப்பட்ட உணவுப்பட்டியல் நடைமுறைப்படுத்தப்படவுள்ளது எனத் தெரிவிக்கப்பட்டுள்ளது.