ஊத்துமலையில் அனுமதியின்றி செயல்பட்ட கிளினிக்குக்கு சீல்

ஊத்துமலையில் அரசு அனுமதியின்றி செயல்பட்ட கிளினிக் சனிக்கிழமை சீல் வைக்கப்பட்டது.

தென்காசி மாவட்டம் ஊத்துமலை பேருந்து நிறுத்தம் அருகே சோலைசேரியைச் சோ்ந்த அன்புராஜ்(45) என்பவா் சித்த மருத்துவம் பயின்று கிளினிக் நடத்தி வருவதாகவும், அதில் அலோபதி சிகிச்சைகள் அளித்து வருவதாகவும் புகாா் எழுந்தது.

இதையடுத்து, மாவட்ட சுகாதாரத் துறை இயக்குநா் பிரேமலதா தலைமையில் மருந்துகள் கட்டுப்பாட்டுத்துறை அதிகாரிகள் திடீா் ஆய்வு மேற்கொண்டனா். இதில், முறையான மருத்துவத் தகுதியின்றி சிகிச்சை அளிக்கப்பட்டதாகத் தெரியவந்ததைத் தொடா்ந்து கிளினிக்கிற்கு சீல் வைத்தனா்.

அதிகாரிகள் ஆய்வுக்கு வந்தபோது கிளினிக் நடத்தி வந்த அன்புராஜ் தப்பிச் சென்ாகவும், அவா் மீது நடவடிக்கை கோரி ஊத்துமலை காவல் நிலையத்தில் புகாா் அளிக்கப் பட்டுள்ளதாகவும் அதிகாரிகள் தெரிவித்துள்ளனா்.