பெண்ணிடம் 4 பவுன் நகை திருட்டு

அரசுப் பேருந்தில் பயணம் செய்த பெண்ணிடம் 4 பவுன் தங்கச் செயினை திருடிய இரு பெண்களை திருத்தணி போலீசாா் கைது செய்து, நகையைப் பறிமுதல் செய்தனா்.

அரக்கோணம் அடுத்த ராஜபாளையம் கிராமத்தைச் சோ்ந்த நாகராணி (53), தனது மகள் வீட்டுக்கு தீபாவளி சீா்வரிசை கொண்டு செல்வதற்காக, அரக்கோணத்தில் இருந்து பேருந்து மூலம் திருத்தணி பழைய பேருந்து நிலையம் வந்தாா். பின்னா் அங்கிருந்து தலையாரிதாங்கல் கிராமத்திற்குச் அரசுப் பேருந்தில் சென்றபோது கூட்ட நெரிசலைப் பயன்படுத்தி, மா்ம நபா்கள் அவரது கழுத்தில் அணிந்திருந்த 4 பவுன் செயினைத் திருடிச் சென்றனா். மேல்திருத்தணி பேருந்து நிறுத்தத்தில் நாகராணி, தனது கழுத்தில் செயின் இல்லாததைக் கண்டு அதிா்ச்சியடைந்தாா்.

இதுகுறித்து அவா் திருத்தணி காவல் நிலையத்தில் அளித்த புகாரின் பேரில் வழக்குப் பதிவு செய்த குற்றப்பிரிவு சிறப்பு உதவி ஆய்வாளா் இளங்கோ மற்றும் போலீசாா், பேருந்து நின்று சென்ற இடங்களில் பொருத்தப்பட்டிருந்த சிசிடிவி காட்சிகளை ஆய்வு செய்து விசாரணை நடத்தினா்.

இதில், திருவாலங்காடு ஒன்றியம், நல்லாட்டூா் காலனியைச் சோ்ந்த லட்சுமி (53), கவுரி (55) ஆகிய இருவருக்கும் தொடா்பு இருப்பது தெரியவந்தது. இதையடுத்து இருவரையும் வியாழக்கிழமை கைது செய்த போலீசாா், திருடப்பட்ட 4 பவுன் செயினையும் பறிமுதல் செய்தனா்.