விவசாயிகளுக்கான சில்லறை பணவீக்கம் சரிவு!
விவசாயிகள் மற்றும் ஊரகத் தொழிலாளா்களுக்கான பணவீக்கம் கடந்த டிசம்பரில் முறையே 5.01 சதவீதம் மற்றும் 5.05 சதவீதமாக சரிந்துள்ளது.
விவசாயிகள் மற்றும் ஊரகத் தொழிலாளா்களுக்கான பணவீக்கம் கடந்த டிசம்பரில் முறையே 5.01 சதவீதம் மற்றும் 5.05 சதவீதமாக சரிந்துள்ளது.
இது குறித்து மத்திய தொழிலாளா் நலத் துறை அமைச்சகம் திங்கள்கிழமை வெளியிட்டுள்ள அறிக்கையில் தெரிவிக்கப்பட்டுள்ளதாவது:
கடந்த நவம்பா் மாதத்தில் விவசாயிகளுக்கான நுகா்வோா் விலைக் குறியீடு (சிபிஐ-ஏஎல்) அடிப்படையிலான பணவீக்கம் 5.35 சதவீதமாக இருந்தது. அது டிசம்பரில் 5.01 சதவீதமாக சரிந்துள்ளது.
Advertisement
Advertisement
அதேபோல், நவம்பரில் 5.47 சதவீதமாக இருந்த ஊரகத் தொழிலாளா்களுக்கான நுகா்வோா் விலைக் குறியீடு (சிபிஐ-ஆா்எல்) அடிப்படையிலான பணவீக்கம் 5.05 சதவீதமாக குறைந்துள்ளது.
மதிப்பீட்டு மாதத்தில் சிபிஐ-ஏஎல் குறியீடு 1,320-ஆகவும், சிபிஐ-ஆா் குறியீடு 1,331-ஆகவும் உள்ளது. முந்தைய நவம்பா் மாதத்திலும் அவை முறையே 1,320 புள்ளிகளாகவும், 1,331 புள்ளிகளாகவும் இருந்தன.
2023-ஆம் ஆண்டின் டிசம்பா் மாதத்தில் விவசாயிகள் பணவீக்கம் 7.71 சதவீதமாகவும், ஊரகத் தொழிலாளா்கள் பணவீக்கம் 7.46 சதவீதமாகவும் இருந்தது என்று அந்த அறிக்கையில் குறிப்பிடப்பட்டுள்ளது.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.