6.303 கோடி டன் நிலக்கரி உற்பத்தி செய்து சாதனை படைத்த வெஸ்டர்ன் கோல்ஃபீல்ட்ஸ்!

நாக்பூர்: நாக்பூரை சேர்ந்த வெஸ்டர்ன் கோல்ஃபீல்ட்ஸ் லிமிடெட், 2025-26 நிதியாண்டில் 6.303 கோடி டன் நிலக்கரியை உற்பத்தி செய்துள்ளதாக நிறுவனம் இன்று தெரிவித்தது.

வெஸ்டர்ன் கோல்ஃபீல்ட்ஸ், 6.303 கோடி டன் நிலக்கரியை உற்பத்தி செய்து, 6 கோடி டன் நிலக்கரியை பயன்பாட்டுக்கு அனுப்பியுள்ளதுடன், சுமார் 35.433 கோடி கன மீட்டர் அளவுக்கு அதன் மேலடுக்கு அகற்றும் பணியையும் மேற்கொண்டுள்ளதாக தெரிவித்தது.

2025-26 நிதியாண்டில், வெஸ்டர்ன் கோல்ஃபீல்ட்ஸ், கூடுதல் சுற்றுச்சூழல் அனுமதியைப் பெற்றதுடன், ஏழு திட்டங்களுக்கான 207.76 ஹெக்டேர் வன நிலத்திற்கான இரண்டாம் கட்ட வன அனுமதியையும் பெற்றுள்ளது.

நிறுவனத்தின் செயல்பாட்டுப் பகுதியான, வாணி பகுதியில் 1.331 கோடி டன் நிலக்கரி உற்பத்தி செய்து, அதிகபட்ச பங்களிப்பைப் பதிவு செய்தது. அதனைத் தொடர்ந்து நாக்பூர் பகுதியில் 1.165 கோடி டன் நிலக்கரியும், உம்ரேர் பகுதியில் 1.057 கோடி டன் நிலக்கரியும் உற்பத்தி செய்து அடுத்தடுத்த இடங்களைப் பிடித்துள்ளன.