உலகம்: மே-ஆகஸ்ட்

மே
19\05: தென் அமெரிக்க நாடான கொலம்பியாவில், பள்ளிப் பேருந்து தீப்பிடித்து வெடித்ததில், 32 குழந்தைகள் உயிரிழந்தனர்.

20\05: நைஜீரியாவில் ஒரே நாளில் போகோ ஹராம் பயங்கரவாதிகள் முன்று கிராமங்களில் நிகழ்த்திய தாக்குதல்களில் 260-க்கும் மேற்பட்டோர் உயிரிழந்தனர்.

30\05: அமெரிக்காவில் நடைபெற்ற "ஸ்பெல்லிங் பீ' போட்டியில் ஸ்ரீராம் ஜே ஹத்வார், அன்சுன் சுஜோ ஆகிய இரு அமெரிக்க வாழ் இந்தியச் சிறுவர்கள் முதல் பரிசு வென்றனர்.

ஜூன்

7\06: உக்ரைனின் ஐந்தாவது அதிபராக பெட்ரோ பொரொஷென்கோ பதவியேற்றார்.

8\06: எகிப்து அதிபர் தேர்தலில் முன்னாள் ராணுவத் தலைமைத் தளபதி அப்துல் ஃபட்டா அல்-சிசி 97 சதவீத வாக்குகளுடன் வெற்றி பெற்றதைத் தொடர்ந்து, அதிபராகப் பதவியேற்றார்.

15\06 : கராச்சி விமான நிலையத்தில் தலிபான் பயங்கரவாதிகள் தாக்குதல் நிகழ்த்தி 29 பேரைக் கொன்றதற்குப் பதிலடியாக, தெற்கு வஜிரிஸ்தான் மாகாணத்தில் பாகிஸ்தான் போர் விமானங்கள் நிகழ்த்திய தாக்குதலில் 150 தலிபான்கள் கொல்லப்பட்டனர்.

21\06: இராக் - சிரியா எல்லைப் பகுதி ராணுவ நிலை ஒன்றை இஸ்லாமிய தேச (ஐ.எஸ்.) பயங்கரவாதிகள் கைப்பற்றினர்.

29\06: இராக்கிலும், சிரியாவிலும் கணிசமான பகுதியைக் கைப்பற்றியிருந்த ஐ.எஸ். பயங்கரவாதிகள், அங்கு "இஸ்லாமிய மத' அரசை நிறுவியுள்ளதாக அறிவித்தனர்.

ஜூலை

1\07: இரண்டாம் உலகப் போருக்குப் பிறகு தற்காப்புக்காக மட்டுமே பயன்படுத்தும் வகையில் இருந்த ஜப்பான் ராணுவத்தை, படையெடுப்பு போன்ற நடவடிக்கைகளிலும் ஈடுபடுத்தும் வகையில், அந்நாட்டின் அரசியல் சாசனம் மாற்றம் செய்யப்பட்டது.

8\07: காஸா மீது இஸ்ரேல் ராணுவம் தாக்குதலைத் தொடங்கியது. காஸôவில் உள்ள ஹமாஸ் பயங்கரவாதிகளைக் குறிவைத்து நடத்திய தொடர் தாக்குதல் சம்பவங்களில் ஆயிரக்கணக்கானோர் உயிரிழந்தனர். ஆகஸ்ட் 26-ஆம் தேதி இந்தப் போர் முடிவுக்கு வந்தது.

17\07: நெதர்லாந்து தலைநகர் ஆம்ஸ்டர்டாமிலிருந்து கோலாலம்பூர் சென்ற மலேசிய ஏர்லைன்ஸ் பயணிகள் விமானம் கிழக்கு உக்ரைன் பகுதியில் நொறுங்கி விழுந்தது. இதில் 280 பேர் உயிரிழந்தனர். ரஷ்ய ஆதரவு கிளர்ச்சிப் படையினரால் விமானம் சுட்டு வீழ்த்தப்பட்டதாக உக்ரைன் அரசு குற்றம்சாட்டியது.

18\07: மேற்கு ஆப்பிரிக்க நாடான புர்கினா ஃபாúஸôவிலிருந்து புறப்பட்ட ஜெட் விமானம் மோசமான வானிலை காரணமாக விபத்துக்குள்ளானதில் அதில் பயணித்த 116 பேர் உயிரிழந்தனர்.

ஆகஸ்ட்

2\08: நேபாளத்தின் சிந்துபால்சௌக் மாவட்டத்தில் ஏற்பட்ட நிலச்சரிவில் 152 பேர் உயிரிழந்தனர்.

3\08: தென்மேற்கு சீனப் பகுதியில் ஏற்பட்ட நிலநடுக்கத்தில் சிக்கி 367 பேர் உயிரிழந்தனர். இரண்டாயிரத்துக்கும் மேற்பட்டோர் காயமடைந்தனர்.

8\08: இராக்கில் ஐ.எஸ். பயங்கரவாதிகள் பதுங்கியிருந்த பகுதிகள் மீது அமெரிக்கா வான்வழித் தாக்குதலைத் தொடங்கியது.

8\08: எபோலா வைரஸ் தாக்காமல் தடுக்க நடவடிக்கை மேற்கொள்ளுமாறு அனைத்து நாடுகளையும் உலக சுகாதார நிறுவனம் அறிவுறுத்தியது.