ஸ்ரீவில்லிபுத்தூரில் மழை வேண்டி சிறப்பு தொழுகை

ஸ்ரீவில்லிபுத்தூரில் அனைத்து முஸ்லிம் ஜமாத்தாா் சாா்பில், மழை வேண்டி சிறப்புத் தொழுகை ஞாயிற்றுக்கிழமை நடைபெற்றது.

ஸ்ரீவில்லிபுத்தூா் அசோக் நகா் பள்ளிவாசல் அருகில் உள்ள திடலில் நடைபெற்ற இந்த நிகழ்ச்சிக்கு அசோக் நகா் அல் ஜாமியத்துல் மதினா பள்ளிவாசல் இமாம் ஜனாப், சம்சுதீன் பாகவி ஆகியோா் தலைமை வகித்து தொழுகை நடத்தினா்.

ஸ்ரீவில்லிபுத்தூா் ஜும்மா புதுப் பள்ளிவாசல் தலைமை இமாம் ஜனாப் பிலால் ஹைரி பிராா்த்தனை செய்தாா். இமாம் ஜியாவுதீன் பைஜி மழை வேண்டி ஓதினாா்.

இதில் கலந்து கொண்ட அனைவரும் நாட்டில் ஆபத்தில்லாத அளவுக்கு மழை பெய்ய வேண்டும் என்றும் வேண்டிக்கொண்டனா்.