பைனாப்பிள் பூந்தி

தேவையானவை: 

கடலை மாவு - ஒரு கிண்ணம்
சர்க்கரை - ஒன்றேகால் கிண்ணம்
சமையல் சோடா - ஒரு சிட்டிகை
பைனாப்பிள் ஜூஸ் - கால்  கிண்ணம்
பைனாப்பிள் எசன்ஸ் - சில துளிகள்
எண்ணெய் -  தேவைக்கேற்ப

செய்முறை: 

ஒரு பாத்திரத்தில் அரை கிண்ணம்  தண்ணீர், சர்க்கரை சேர்த்து பாகு காய்ச்சி, ஆறியதும் அதில் பைனாப்பிள் ஜூஸ், எசன்ஸ் சேர்த்துக் கலக்கவும். கடலைமாவு மற்றும் சமையல் சோடாவுடன் தண்ணீர் சேர்த்து தோசை மாவுப் பதத்தில் கரைக்கவும். வாணலியில் எண்ணெய்யைச் சூடாக்கி, பூந்தி கரண்டியை எண்ணெய்யின் மேலே தூக்கி பிடித்து மாவை ஊற்றி வேறு ஒரு கரண்டியால் தேய்த்துவிடவும். பூந்தி முக்கால் பதம் வெந்ததும் எடுத்து, தயார் செய்துள்ள பாகில் சேர்த்து நன்கு கலந்துவிடவும். ஊறியதும் பரிமாறவும்.