புதிய பாடல்: ஹேப்பி பர்த்டே

எங்கள் வீட்டுக் கோழி

எட்டு முட்டை இட்டது!

முட்டை மேலே அமர்ந்து

அடை காத்து இருந்தது!

எட்டு முட்டையில் ஒன்று

எட்டு வைத்து நகர்ந்தது!

நகர்ந்த முட்டை மேலே

விரிசல் ஒன்று வந்தது!

விரிசல் வந்த இடத்திலே

உடைந்து பெரிதாய் ஆனது!

முட்டை உடைந்து போனது

மூக்கு ஒன்று வந்தது!

கோழிக் குஞ்சாய் நடந்தது

கோழி துள்ளிக் குதித்தது!

ஹேப்பி பர்த்டே டூ யூ

என்று கோழி பாடியது!

ஹேப்பி பர்த்டே டூ யூ

என்று பாடிப்பாடி ஆடியது!