உலகமே கையில்...

உலகம் எங்கள் கையில்

உண்மை எங்கள் நெஞ்சில்

ஒருகணமும் சோர மாட்டோம்

ஒன்று பட்டே நிற்போம்

-----------------

உறவுகள் எல்லாம் கூடி

உயரும் வழியைத் தேடி

புதிய வேகம் செய்வோம்

புதுமை பலவும் செய்வோம்

-----------------

உழைப்பே எங்கள் சொத்து

ஊக்கமே எங்கள் வித்து

சோதனை வந்தால் துவளோம்

சாதனை செய்தே தீர்வோம்

-----------------

உள்ளம் முழுக்க அறமே

உண்மை ஒளிரும் தினமே

செம்மை வாழ்வு வாழ்வோம்

செருக்கு இல்லை வீழோம்!