தீவிரவாதிகள் என நினைத்து 12 சுற்றுலாபயணிகள் சுட்டுக்கொலை

எகிப்து ராணுவத்தினர் 12 சுற்றுலா பயணிகளை தீவிரவாதிகள் என தவறாக நினைத்து சுட்டுக்கொலை செய்துள்ளனர்.

எகிப்தில் பாலைவனப் பகுதியில் தீவிரவாதிகள் என தவறாக நினைத்து ராணுவத்தினர் நடத்திய தாக்குதலில் சுற்றுலா பயணிகள் உள்பட 12 பேர் உயிரிழந்தனர்.

மெக்சிகோவை சேர்ந்த சுற்றுலா பயணிகளின் வாகனம் பாதுகாக்கப்பட்ட பகுதிக்குள் நுழைந்ததாக எகிப்திய அரசு கூறி உள்ளது. மேலும் இந்த தாக்குதலில் 10 பேர் காயம் அடைந்துள்ளதாக எகிப்து கூறியுள்ளது

சுற்றுலாப் பயணிகள் விவரம் பாதுகாப்பு அதிகாரிகளிடம் முன்கூட்டியே வழங்கப்பட்டிருந்தது என்றும், அவர்களுக்கு போலீஸார் பாதுகாப்பு வழங்கியிருந்தனர் என்றும் தெரிவிக்கபட்டுள்ளது. ஆனால் இதற்கு எகிப்திய அதிகாரிகள் மறுப்பு தெரிவித்துள்ளனர்.