யேமன் எல்லைப் பகுதியில் சவூதி ராணுவ அதிகாரி பலி

யேமன் எல்லைப் பகுதியில் நிகழ்ந்த துப்பாக்கிச் சண்டையில் சவூதி ராணுவ அதிகாரி பலியானார்.

இது தொடர்பாக சவூதி பாதுகாப்புத் துறை அமைச்சகம் தலைநகர் ரியாதில் சனிக்கிழமை தெரிவித்ததாவது:

சவூதி - யேமன் எல்லைப் பகுதியில் நிறுத்தப்பட்டிருந்த ராணுவத்தினரை நோக்கி யேமன் பகுதியிலிருந்து துப்பாக்கியால் சுட்டனர். தொடர்ந்து சவூதி வீரர்கள் பதில் தாக்குதல் நடத்தினர். இந்தத் துப்பாக்கிச் சண்டையில் சவூதியின் மூத்த ராணுவ அதிகாரி உயிரிழந்தார். மேலும் 4 வீரர்கள் காயமடைந்தனர் என்று சவூதி பாதுகாப்புத் துறை அமைச்சகம் தெரிவித்தது.