ரயில் இணைப்பு: வட - தென் கொரியா பேச்சுவார்த்தை

வட மற்றும் தென் கொரியா நாடுகளிடையே ரயில் இணைப்பை ஏற்படுத்துவதற்கான பேச்சுவார்த்தையை இரு நாட்டு அதிகாரிகளும் எல்லை கிராமமான பான்முன்ஜோமில் செவ்வாய்க்கிழமை மேற்கொண்டனர்.
இரு நாடுகளுக்கும் இடையே தற்போது இணக்கம் அதிகரித்துள்ள நிலையில், 10 ஆண்டுகளுக்குப் பிறகு முதல்முறையாக இந்தப் பேச்சுவார்த்தை நடைபெற்றுள்ளது குறிப்பிடத்தக்கது. ஏற்கெனவே, கொரியப் போருக்கு முன்னர், ஜப்பான் ஆக்கிரமிப்பில் இருந்தபோது இரு கொரிய நாடுகளுக்கும் இடையே இருப்புப் பாதை போடப்பட்டுள்ளது.
எனினும், 20-ஆம் நூற்றாண்டின் தொடக்கத்தில் போடப்பட்ட அந்தப் பாதையை புனரமைப்பது உள்ளிட்ட பல்வேறு அம்சங்கள் குறித்து தற்போது நடைபெற்ற பேச்சுவார்த்தையின்போது விவாதிக்கப்பட்டது.