பாகிஸ்தான்: உச்சத்தை தொட்ட பெட்ரோல் விலை

பொருளாதார நெருக்கடியில் சிக்கித் தவிக்கும் பாகிஸ்தான், ஒரே நாளில் பெட்ரோல் விலையை லிட்டருக்கு ரூ.22.20 உயா்த்தியுள்ளது. இதன் காரணமாக, ஒரு லிட்டா் பெட்ரோல் விலை இதுவரை இல்லாத வகையில் ரூ.272-ஆகியிருக்கிறது.

அதிவேக டீசல் விலை ரூ.280, மண்ணெண்ணெய் ரூ.202.73, சாதாரண டீசல் ரூ.196.68 என உயா்த்தப்படுகிறது. சா்வதேச நிதியத்திடமிருந்து கடனுதவி பெறுவதற்காக, அந்த அமைப்பு விதித்துள்ள நிபந்தனையின் பேரில் இந்த முடிவை பாகிஸ்தான் அரசு எடுத்துள்ளது.