பராமரிப்புப் பணி: 30-ஆம் தேதி வரை அரும்பாக்கம் மின் மயானம் மூடல்

பெருநகர சென்னை மாநகராட்சிக்கு உள்பட்ட அரும்பாக்கம் மின் மயானத்தில் வியாழக்கிழமை (செப். 6) முதல் வரும் 30-ஆம் தேதி வரை பராமரிப்புப் பணிகள் நடைபெறுகின்றன.
இதுகுறித்து பெருநகர சென்னை மாநகராட்சி ஆணையர் அலுவலகம் வெளியிட்ட செய்திக் குறிப்பு: சென்னை மாநகராட்சியின் பொது சுகாதாரத் துறை சார்பில் அண்ணா நகர் மண்டலத்தின் அரும்பாக்கத்தில் அமைந்துள்ள இந்து மயான பூமியில் எரியூட்டும் இயந்திரத்தில் பழுது ஏற்பட்டுள்ளது. இதை சரி செய்யும் பொருட்டும், சில பராமரிப்பு பணிகள் காரணமாகவும் வியாழக்கிழமை (செப். 6) முதல் செப்டம்பர் 30-ஆம் தேதி வரை மின் மயானத்தின் செயல்பாடு தாற்காலிகமாக நிறுத்தி வைக்கப்பட்டுள்ளது. 
இந்த நாள்களில் பொதுமக்கள் அண்ணா நகர், நியூ ஆவடி சாலையில் உள்ள வேலங்காடு இந்து மயான பூமி, நுங்கம்பாக்கம் இந்து மயான பூமியைப் பயன்படுத்திக் கொள்ளலாம்.