சுங்கத் துறையில் வேலை எனக் கூறி பணம் பறிக்க முயற்சி: முதியவா் கைது

சென்னை விமான நிலைய சுங்கத் துறையில் வேலை வாங்கித் தருவதாகக் கூறி, பணம் பறிக்க முயன்ற 73 வயது முதியவரை போலீஸாா் கைது செய்தனா்.

ஆந்திர மாநிலம் ரேணிகுண்டாவைச் சோ்ந்த சங்கரையா (73), சென்னை ஆலந்தூரில் தங்கியிருந்தாா். இவா் விமான நிலையப் பகுதியில் அடிக்கடி சுற்றித் திரிந்ததாகக் கூறப்படுகிறது.

சில நாள்களுக்கு முன்பு மாநகரப் பேருந்தில் பயணம் செய்தபோது, விமான நிலைய சுங்கத் துறையில் காலிப் பணியிடங்கள் இருப்பதாக சங்கரையா கைப்பேசியில் பேசியுள்ளாா். இதைக் கேட்ட அதே பேருந்தில் பயணித்த தாம்பரம் மகாலட்சுமி நகரைச் சோ்ந்த ராமமூா்த்தி என்பவா், தனது பொறியியல் பட்டதாரி மகளுக்கு வேலை கிடைக்குமா எனக் கேட்டுள்ளாா்.

அதற்கு சங்கரையா, விண்ணப்பப் படிவத்துக்கு ரூ.2,500, தனக்கு ரூ.500 என மொத்தம் ரூ.3,000 கொடுத்தால் வேலை வாங்கித் தருவதாகக் கூறியுள்ளாா். இதை நம்பிய ராமமூா்த்தி ரூ.3,000 கொடுத்துள்ளாா். சில நாள்கள் கழித்து சுங்கத் துறை அதிகாரிகளுக்கு ரூ.65,000 வழங்க வேண்டும் எனக் கூறி, அந்தப் பணத்துடன் சென்னை விமான நிலைய மெட்ரோ ரயில் நிலைய வாசலுக்கு வருமாறு சங்கரையா அழைத்துள்ளாா்.

அதன்படி பணத்துடன் சென்ற ராமமூா்த்தி, சங்கரையாவின் நடவடிக்கைகளில் சந்தேகம் அடைந்து அவரைப் பிடித்து விமான நிலைய காவல் நிலையத்தில் ஒப்படைத்தாா்.

விசாரணையில், இதேபோல் விமான நிலையத்தில் வேலை வாங்கித் தருவதாகக் கூறி அவா் பல பேரிடம் மோசடியில் ஈடுபட்டது தெரிய வந்தது. இதையடுத்து போலீஸாா் வழக்குப் பதிவு செய்து சங்கரையாவைக் கைது செய்து நீதிமன்றத்தில் ஆஜா்படுத்தி சிறையில் அடைத்தனா்.