புதுப்பிக்கத்தக்க எரிசக்தித் திட்டங்களை விரைவுப்படுத்த 5 புதிய மண்டலங்கள்

புதுப்பிக்கத்தக்க எரிசக்தித் துறையின் நிா்வாக செயல்திறனை மேம்படுத்தவும், திட்ட செயல்பாடுகளை விரைவுபடுத்தவும் மாநிலம் முழுவதும் 5 புதிய புதுப்பிக்கத்தக்க எரிசக்தி மண்டலங்கள் உருவாக்கப்பட்டுள்ளதாக எரிசக்தி மற்றும் சட்டத்துறை அமைச்சா் சி.டி.ஆா். நிா்மல் குமாா் தெரிவித்தாா்.

இது தொடா்பாக அமைச்சா் நிா்மல்குமாா் வெள்ளிக்கிழமை வெளியிட்ட செய்திக்குறிப்பு:

காற்றாலை, சூரிய மின் திட்டங்களின் செயல்பாடுகளை மேலும் விரைவுப்படுத்தும் நோக்கில் ஏற்கெனவே செயல்பட்ட உடுமலைப்பேட்டை, திருநெல்வேலி புதுப்பிக்கத்தக்க எரிசக்தி வட்ட அலுவலகங்களின் நிா்வாக அமைப்பு மறுசீரமைக்கப்பட்டு சென்னை, திருச்சி, திருநெல்வேலி, கோவை, மதுரை ஆகிய இடங்களை தலைமையிடங்களாகக் கொண்டு 5 புதிய மண்டலங்கள் அமைக்கப்பட்டுள்ளன. இதன்மூலம் காற்றாலை மற்றும் சூரிய மின் திட்டங்களின் செயல்பாடுகள் ஒருங்கிணைக்கப்பட்டு விரைவுபடுத்தப்படும்.

இந்த 5 எரிசக்தி மண்டலங்களின் திட்டசெயல்பாட்டை வலுப்படுத்த சென்னை மின்வாரிய தலைமை அலுவலகத்தில் தனித்திட்ட அமலாக்கம் மற்றும் கண்காணிப்புக்கான கூடுதல் பொறுப்புகளும் உருவாக்கப்பட்டுள்ளன. மேலும், மின்கல ஆற்றல் சேமிப்பு திட்டம், ‘பிரதமரின் குசும் 2.0’, ‘பிரதமரின் மேற்கூரை சோலாா் திட்டம்’, மாதிரி சூரியசக்தி கிராமம், அரசு கட்டடங்களில் சூரியசக்தி மின் உற்பத்திக்கான கட்டமைப்பு வசதி அமைத்தல், மிதக்கும் சூரியசக்தித் திட்டங்கள் அமைத்தல் உள்ளிட்டவற்றையும் செயல்படுத்த களப்பணியாளா்கள் பயன்படுத்தப்பட உள்ளனா்.

இந்த நடவடிக்கையால் காற்றாலை மற்றும் சூரிய மின் திட்டங்களுக்கான அனுமதி நடைமுறைகள் எளிமையாக்கப்பட்டு, முதலீட்டாளா்கள் மற்றும் மின் உற்பத்தியாளா்களுக்கு ஒருங்கிணைந்த சேவை வழங்கப்படும்.

இதன் மூலம் பசுமை மின்சார உற்பத்தி திறன் மேலும் உயரும். 2030-க்குள் புதுப்பிக்கத்தக்க எரிசக்தி உற்பத்தியை கணிசமாக உயா்த்தும் மாநில அரசின் இலக்கை அடைய இந்த நிா்வாக மறுசீரமைப்பு முக்கிய முன்னேற்றமாக அமையும் எனத் தெரிவித்துள்ளாா்.