தேசிய ஜூனியா் பாட்மின்டன்: ஷாய்னா, ஞான தத்து சாம்பியன்
தேசிய ஜூனியா் யு 19 பாட்மின்டன் போட்டியில் மகளிா் பிரிவில் நடப்புச் சாம்பியன் ஷாய்னா மணிமுத்துவும், ஆடவா் பிரிவில் ஞானதத்துவும் சாம்பியன் பட்டம் வென்றனா்.

தேசிய ஜூனியா் யு 19 பாட்மின்டன் போட்டியில் மகளிா் பிரிவில் நடப்புச் சாம்பியன் ஷாய்னா மணிமுத்துவும், ஆடவா் பிரிவில் ஞானதத்துவும் சாம்பியன் பட்டம் வென்றனா்.
சிக்கிம் தலைநகா் காங்டாக்கில் 49-ஆவது தேசிய ஜூனியா் பாட்மின்டன் போட்டி நடைபெறுகிறது. இதன் இறுதி ஆட்டங்கள் சனிக்கிழமை நடைபெற்றன.
மகளிா் ஒற்றையா் பிரிவில் கா்நாடகத்தின் ஷாய்னா மணிமுத்துவும்-லக்ஷயா ராஜேஷும் மோதினா். இதில் ஷாய்னா 15-10, 15-12 என்ற கேம் கணக்கில் வெற்றி பெற்று தனது சாம்பியன் பட்டத்தை தக்க வைத்துக் கொண்டாா். ஆடவா் ஒற்றையா் பிரிவில் தெலங்கானாவின் ஞானதத்து 19-17, 15-11 என்ற கேம் கணக்கில் அகில் ரெட்டி பொப்பாவை வீழ்த்தி பட்டம் வென்றாா்.
Advertisement
Advertisement
ஆடவா் இரட்டையரில் புனித்/பவன் இணை 16-14, 15-9 என திவ்யான்ஷ்/அமா்ஜித் சிங் இணையை வென்றது. மகளிா் இரட்டையரில் தியா-பாருணி இணை 10-15, 15-12, 15-12 என்ற கேம் கணக்கில் அனன்யா/ஏஞ்சல் இணையை வென்றது. கலப்பு இரட்டையரில் திவ்யான்ஷ்/வா்னா இணை 15-12, 15- 8 என அமித்/சுஹினா இணையை வென்றது.