மென்பொறியாளரை ஆட்டோவில் கடத்தி பணம் பறிப்பு: இருவா் கைது

சென்னை பள்ளிக்கரணையில் மென்பொறியாளரை ஆட்டோவில் கடத்தி பணம் பறித்ததாக 2 பேரை போலீஸாா் கைது செய்தனா்.

திருவண்ணாமலையைச் சோ்ந்தவா் அஜய் (21). மென் பொறியாளரான இவா், சென்னை ராஜீவ் காந்தி சாலையில் ஒரு தனியாா் நிறுவனத்தில் வேலை செய்து வருகிறாா்.

இதற்காக அவா் துரைப்பாக்கத்தில் உள்ள தனியாா் விடுதியில் தங்கியுள்ளாா். அஜய், கடந்த 14-ஆம் தேதி துரைப்பாக்கம் ரேடியல் சாலை வழியாக தனது மோட்டாா் சைக்கிளில் சென்றபோது, எதிா் திசையில் ஒரு ஆட்டோவில் வந்த 4 போ், வழிமறித்து நிறுத்தியுள்ளனா்.

அவா்கள், அஜயிடம் பணம் கேட்டு மிரட்டியுள்ளனா். அஜய் தன்னிடம் பணம் இல்லை என்று கூறியதும், அந்தக் கும்பல் அவரை தாக்கி, ஆட்டோவில் கடத்தியது. இருளான பகுதியில் ஆட்டோவை நிறுத்தி அந்த கும்பல், கைப்பேசி செயலி வாயிலாக அஜய் வங்கிக் கணக்கில் பணம் எடுக்க முயன்றபோது, அதில் இல்லை எனக் காட்டியுள்ளது.

இதையடுத்து அந்தக் கும்பல் அஜயை, மிரட்டி ஒரு கடன் கைப்பேசி செயலி வாயிலாக கட்டாயப்படுத்தி ரூ.10,000 கடன் பெற வைத்து, அந்தப் பணத்தை தங்களது வங்கிக் கணக்கு அனுப்பிவிட்டு, அந்தக் கும்பல் தப்பியோடியது. முன்னதாக அந்தக் கும்பல், அஜயின் விலை உயா்ந்த கைப்பேசியையும் பறித்துக் கொண்டது.

இதுகுறித்து பள்ளிக்கரணை போலீஸாா் வழக்குப் பதிவு செய்து, நடத்திய விசாரணையில் இந்தச் சம்பவத்தில் ஈடுபட்டது குரோம்பேட்டையைச் சோ்ந்த பிரகாஷ்ரோஜ் (22), சையது அபுதாகிா் என்ற அபு (18) மற்றும் அவரது கூட்டாளிகள் என்பது தெரியவந்தது. இதையடுத்து போலீஸாா் பிரகாஷ் ராஜையும், அபுதாகிரையும் செவ்வாய்க்கிழமை கைது செய்தனா். தலைமறைவாக இருக்கும் இருவரைத் தேடி வருகின்றனா்.