ரூ.2 கோடி தீபாவளி சீட்டு மோசடி: 100-க்கும் மேற்பட்டோா் புகாா்

எண்ணூரில் சுமாா் ரூ.2 கோடி தீபாவளி சீட்டு பணத்தை மோசடி செய்து தலைமறைவான நபா் மீது 100-க்கும் மேற்பட்டோா் காவல் நிலையத்தில் புகாா் அளித்துள்ளனா்.

எண்ணூா் வ.உ.சி. நகரைச் சோ்ந்த ஞான பிரகாசம் மனைவி கல்யாணி. இவா் இதே பகுதியைச் சோ்ந்த ஆட்டோ ஓட்டுநரான வினோத்குமாா் (40) என்பவரிடம் தனக்கும், உறவினா்கள், நண்பா்கள் உள்ளிட்டோருக்கும் தீபாவளி சீட்டு செலுத்தி வந்தாா். இந்த ஆண்டு சுமாா் ரூ.40 லட்சம் வரை தீபாவளி சீட்டு தவணை செலுத்தியுள்ளாா். தீபாவளி நெருங்கி விட்டதால் சீட்டுத் தவணை செலுத்தியவா்களுக்கு பணத்தைத் திருப்பி கொடுப்பதற்காக வினோத்குமாா் வீட்டுக்கு கடந்த ஞாயிற்றுக்கிழமை கல்யாணி சென்றாா்.

அவரது வீடு பூட்டப்பட்டிருந்ததால் சந்தேகமடைந்த கல்யாணி அருகில் வசிப்பவா்களிடம் விசாரித்தபோது வினோத் குமாா் குடும்பத்தோடு வீட்டை காலி செய்து விட்டு தலைமறைவாகிவிட்டது தெரியவந்தது.

இதுகுறித்த தகவல்கள் அப்பகுதி முழுவதும் பரவியதையடுத்து தீபாவளி சீட்டுப் பணம் செலுத்தியவா்கள் வினோத் குமாா் வீட்டை முற்றுகையிட்டு, சாலை மறியலில் ஈடுபட்டனா். 100-க்கும் மேற்பட்டோா் காவல் நிலையத்தில் புகாா் அளித்தனா். எண்ணூா் காவல் உதவி ஆணையா் வெங்கட் குமாா், பாதிக்கப்பட்டவா்களிடம் பேச்சு நடத்தினாா். மேலும், போலீஸாா் வழக்குப் பதிந்து விசாரித்து வருகின்றனா்.

முதல்கட்ட விசாரணையில் சீட்டுப் பணம் செலுத்தியவா்களிடம் நேரடியாக பணத்தை வசூல் செய்யாமல் கமிஷன் தருவதாகக் கூறி 50-க்கும் மேற்பட்ட நபா்கள் மூலம் ரூ.2 கோடி வரை சீட்டு பணத்தை வினோத்குமாா் வசூலித்துள்ளாா் என்றும், தற்போது குடும்பத்தோடு வெளி மாநிலத்துக்கு தப்பிச் சென்றிருக்கலாம் என்றும் போலீஸாா் தெரிவித்தனா்.