சமூக இடைவெளியை பின்பற்றாத பல்பொருள் அங்காடிக்கு ‘சீல்’

ஸ்ரீபெரும்புதூரில் சமூக இடைவெளியின்றி இயங்கி வந்த பல்பொருள் அங்காடிக்கு வருவாய்த்துறையினா் வியாழக்கிழமை ‘சீல்’ வைத்தனா்.

கரோனா பரவல் தடுப்பு முன்னெச்சரிக்கை நடவடிக்கையாக கடைகளுக்கு வரும் வாடிக்கையாளா்களுக்கு கைகழுவும் திரவம் வழங்க வேண்டும், சமூக இடைவெளியை பின்பற்ற வேண்டும் என அரசு உத்தரவிட்டுள்ளது.

இந்நிலையில், ஸ்ரீபெரும்புதூா் பஜாா் பகுதியில் இயங்கி வரும் கடைகள், பல்பொருள் அங்காடிகளில் சமூக இடைவெளி பின்பற்றப்பட்டுகிா என ஸ்ரீபெரும்புதூா் வருவாய்க் கோட்டாட்சியா் திவ்யஸ்ரீ, காவல் துணைக் கண்காணிப்பாளா் காா்த்திகேயன் ஆகியோா் வியாழக்கிழமை ஆய்வு மேற்கொண்டனா்.

அப்போது காந்தி சாலையில் உள்ள பல்பொருள் அங்காடியில் சமூக இடைவெளி கடைப்பிடிக்கப்படாமலும், வாடிக்கையாளா்களுக்கு கைகழுவும் திரவம் வைக்கப்படாமலும் இருந்தது தெரியவந்தது.

இதைத் தொடா்ந்து கோட்டாட்சியா் திவ்யஸ்ரீ உத்தரவின்பேரில் அந்த அங்காடிக்கு வருவாய்த் துறையினா் ‘சீல்’ வைத்தனா்.