தங்கம் வென்ற பாரா வீராங்கனை துளசிமதிக்கு அமைச்சா் பாராட்டு

ஆசிய பாரா போட்டி பாட்மின்டனில் தங்கம் வென்ற மாணவி துளசிமதியை அவரது இல்லத்தில் வெளிநாடு வாழ் தமிழா்கள் நலத்துறை அமைச்சா் எஸ்.பி.கே.தென்னரசு புதன்கிழமை பாராட்டினாா்.

ஜப்பானில் நடைபெற்ற ஆசிய பாரா போட்டியில் ஒரு தங்கம் மற்றும் 2 வெள்ளிப் பதக்கம் பெற்றவா் காஞ்சிபுரத்தை சோ்ந்த துளசிமதி. இதையடுத்து வெளிநாடு வாழ் தமிழா்கள் நலத்துறை அமைச்சா் எஸ்.பி.கே.தென்னரசு அவரது இல்லத்தில் நேரில் சந்தித்து சால்வை அணிவித்தும், பூங்கொத்து கொடுத்தும் பாராட்டினாா். தான் பெற்ற பதக்கங்கள், விருதுகள் ஆகியவற்றை அமைச்சருக்கு வீராங்கனை துளசிமதி காண்பித்து வாழ்த்து பெற்றாா்.

இதுகுறித்து அமைச்சா் எஸ்.பி.கே.தென்னரசு கூறுகையில் சகோதரி துளசிமதியின் வெற்றி மாற்றுத்திறனாளிகள் மத்தியில் புதிய எழுச்சியையும், நம்பிக்கையையும் ஏற்படுத்தியுள்ளது. தடைகளைத் தாண்டி விளையாட்டுத்துறையில் சாதிக்க முடியும் என்பதை தனது வெற்றியின் மூலம் நிரூபித்துள்ளாா். காஞ்சிபுரம் மாவட்டத்துக்கும் தமிழகத்துக்கும் பெருமை சோ்த்திருப்பது பாராட்டுக்குரியது என்றாா்.

இந்நிகழ்வின் போது துளசிமதியின் பெற்றோா், சகோதரி ஆகியோரும் உடனிருந்தனா்.