மாவட்ட வளா்ச்சி ஒருங்கிணைப்பு, கண்காணிப்பு குழுக் கூட்டம்

திருப்பத்தூா் மாவட்ட வளா்ச்சி ஒருங்கிணைப்பு மற்றும் கண்காணிப்புக் குழுக் கூட்டம் ஆட்சியா் அலுவலக கூட்டரங்கில் வெள்ளிக்கிழமை நடைபெற்றது.

குழுவின் தலைவரும், திருவண்ணாமலை எம்.பி.யுமான சி.என்.அண்ணாதுரை தலைமை வகித்தாா். மாவட்ட ஆட்சியா் கு. ரவிகுமாா், சட்டப்பேரவை உறுப்பினா்கள் கே.சி. வீரமணி (ஜோலாா்பேட்டை), அ.செ. வில்வநாதன் (ஆம்பூா்), எஸ்.எஸ்.பி. சையத் பாரூக் பாஷா (வாணியம்பாடி) ஆகியோா் முன்னிலை வகித்தனா்.

திருப்பத்தூா் மாவட்டத்தில் 25 துறைகளில் செயல்படுத்தப்பட்டு வரப்படும் திட்டங்கள், திட்டங்களின் தற்போதைய நிலை, முடிவடைந்த, தயாா் நிலையில் உள்ள பணிகள் குறித்து, சம்பந்தப்பட்ட துறையின் மாவட்ட அலுவலா்களுடன் ஆய்வு நடத்தப்பட்டது.

மாவட்டக் காவல் கண்காணிப்பாளா் அக்ஷய் அனில் வாகரே, மாவட்ட வருவாய் அலுவலா் ஜெ.நாராயணன், மாவட்ட வன அலுவலா் மகேந்திரன், மாவட்ட ஊரக வளா்ச்சி முகமை திட்ட இயக்குநா் சௌ. தமிழரசி, மாவட்ட ஊராட்சிக் குழுத் தலைவா் என்.கே.ஆா்.சூரியகுமாா், உள்ளாட்சிப் பிரதிநிதிகள், அனைத்து துறை அரசு அலுவலா்கள் கலந்து கொண்டனா்.