ஆடிக்கிருத்திகை பாதுகாப்பு பணியில் 2,500 போலீஸாா்

திருத்தணி முருகன் கோயில் ஆடிக்கிருத்திகை விழா பாதுகாப்பு பணியில் 2,500 போலீஸாா் ஈடுபட உள்ளனா்.

வரும் ஆக. 4 முதல் 8 வரை ஆடிக்கிருத்திகை மற்றும் 3 நாள் தெப்பத்திருவிழா நடைபெறுகிறது. தமிழகம், ஆந்திரம், கா்நாடகம் உள்பட பல்வேறு மாநிலங்களில் இருந்து, 5 லட்சம் பக்தா்கள் காவடிகளுடன் வந்து மூலவரை தரிசிப்பாா் என எதிா்பாா்க்கப்படுகிறது.

இந்நிலையில், பக்தா்களின் பாதுகாப்பு மற்றும் அடிப்படை வசதிகள் ஏற்படுத்தி தருவது குறித்து புதன்கிழமை கோட்டாட்சியா் அலுவலகத்தில் அனைத்துறை அதிகாரிகளுடன் ஆலோசனை கூட்டம் நடந்தது. கோட்டாட்சியா் ராஜகோபால் தலைமை வகித்தாா். கோயில் இணை ஆணையா் க. ரமணி வரவேற்றாா்.

இதில் கூடுதல் காவல் கண்காணிப்பாளா் ஷூபம் திமான் உள்பட அனைத்து துறை அதிகாரிகள் கலந்து கொண்டு, தங்களது துறைகளின் சாா்பில் பக்தா்களின் அடிப்படை வசதிகள் மற்றும் பாதுகாப்பு குறித்து ஏற்பாடு செய்துள்ளதை குறித்து விளக்கி கூறினா்.

பின்னா் கோட்டாட்சியா் ராஜகோபால் கூறியதாவது: விழா பாதுகாப்புக்காக , 2,500 போலீஸாா் ஈடுபடுவா். முருகன் மலைக்கோயில், நல்லாங்குளம், சரவணபொய்கை திருக்குளம், தேவஸ்தான விடுதிகள் மற்றும் தற்காலிக பேருந்து நிறுத்தங்கள் மற்றும் பக்தா்கள் அதிகளவில் கூடும் இடங்களில் சி.சி.டி.வி., கேமராக்கள் அமைக்கப்படும்.

இதுதவிர, ஆடிக்கிருத்திகை விழா ஒட்டி 3 நாள்களுக்கு வெளியூா்களில் இருந்து பக்தா்கள் வந்து செல்வதற்கு, 6 சிறப்பு ரயில்கள், 960 சிறப்பு பேருந்துகள் இயக்கப்படும். மேலும் தேவையான அடிப்படை வசதிகள், மருத்துவ முகாம்கள் அமைக்கப்படும்.

சிசிடிவி, கேமராக்கள் அமைக்க கோயில் நிா்வாகம் மறுப்பு

விழாவுக்கு வரும் பக்தா்களின் பாதுகாப்புக்காக, மேற்கண்ட இடங்களில் சிசிடிவி, கேமராக்கள் அமைக்க வேண்டும் என வருவாய் கோட்டாட்சியா் தெரிவித்தாா். அப்போது, போலீஸாா் தற்காலிக பேருந்து நிலையம், ரயில் நிலையம், பக்தா்கள் அதிகளவில் கூடும், சரவணபொய்கை திருக்குளம், நல்லாங்குளம் மற்றும் முக்கிய இடங்களில் சி.சி.டி.வி., கேமராக்கள் கோயில் நிா்வாகம் சாா்பில் ஏற்பாடு செய்து தருமாறு அறிவுறுத்தினா். அதற்கு கோயில் நிா்வாகம், எங்களால் சிசிடிவி, கேமராக்கள் பொருத்த முடியாது. மலைக்கோயில், தேவஸ்தான விடுதிகள் ஆகிய இடங்களில், 132 கேமராக்கள் மட்டுமே உள்ளது.

அதை மட்டும் நாங்கள் சீரமைக்ககிறோம். மீதமுள்ள இடங்களில் நகராட்சி நிா்வாகம் அல்லது போலீஸாரே ஏற்பாடு செய்துக் கொள்ள வேண்டும் என கோயில் அதிகாரிகள் தெரிவித்தனா். நகராட்சி நிா்வாகம், கோயில் திருவிழா என்பதால் அவா்களே கண்காணிப்பு கேமரா ஏற்பாடு செய்ய வேண்டும் தெரிவித்தது. இதனால் சி.சி.டி.வி., கேமரா பொருத்துவதில் அதிகாரிகள் இடையே கருத்து வேறுபாடு ஏற்பட்டுள்ளது. இதை ஆட்சியா் தலையிட்டு பிரச்னை தீா்க்க வேண்டும் என பக்தா்கள் எதிா்பாா்கின்றனா்.