பள்ளி மாணவர்களுக்கு அடையாள அட்டை அளிப்பு

மேற்கு ஆரணி ஒன்றியம், கண்ணமங்கலம் அருகே உள்ள வண்ணாங்குளம் ஆதிதிராவிடர் நல தொடக்கப் பள்ளியில் அடையாள அட்டை வழங்கும் விழா நடைபெற்றது.

இதில் இராமசாணிக்குப்பம் ஊராட்சி ஒன்றிய தொடக்கப் பள்ளியின் தலைமையாசிரியை தாமரைச்செல்வி, சமூக ஆர்வலர் க.பிரபாகரன் ஆகியோர் சொந்த செலவில் மாணவர்களுக்கு அடையாள அட்டைகளை வழங்கினர். மேற்கு ஆரணி கூடுதல் உதவித் தொடக்கக் கல்வி அலுவலர் பா.சுந்தர் தலைமை வகித்தார். பள்ளியின் தலைமையாசிரியை ரீட்டா வரவேற்றார். உதவித் தொடக்கக் கல்வி அலுவலர் உதயகுமார் மாணவர்களுக்கு அடையாள அட்டைகளை விநியோகம் செய்தார் .