பேரிடர் மீட்புப் பணி விழிப்புணர்வு முகாம்

போளூரை அடுத்த வசூர் ஊராட்சி ஒன்றிய நடுநிலைப் பள்ளியில் பேரிடர் கால மீட்புப் பணிகள் குறித்த விழிப்புணர்வு முகாம் புதன்கிழமை நடைபெற்றது.
வருவாய்த் துறை, தீயணைப்புத் துறை இணைந்து இந்த முகாமை நடத்தின. இதில், வடகிழக்கு பருவமழை தொடங்கவுள்ளதால், பொதுமக்கள், கால்நடைகளை வெள்ள பாதிப்புகளில் இருந்து காப்பது குறித்த செயல்முறை விளக்கம் அளிக்கப்பட்டது.
நிகழ்ச்சியில் வட்டாட்சியர் தியாகராஜன், மண்டல துணை வட்டாட்சியர் முனிராஜ், வருவாய் ஆய்வாளர் ரமேஷ், தீயணைப்பு நிலைய அலுவலர் பழநிவேல் மற்றும் தலைமை ஆசிரியை சித்ரா, தீயணைப்பு வீரர்கள், மாணவர்கள் கலந்து கொண்டனர்.
இதனிடையே, வருவாய்த் துறை சார்பில், கிராந்தோறும் பேரிடர் கால மீட்பு, முதல் தகவல் அளிக்கும் குழு அமைக்கப்பட்டது.