தூய்மைக் காவலா்களுக்கு நிவாரணம்

கலசப்பாக்கத்தை அடுத்த மேல்வில்வராயநல்லூா் ஊராட்சியில் தூய்மைக் காவலா்கள், துப்புரவுப் பணியாளா்களுக்கு ஒன்றியத் தலைவா் வியாழக்கிழமை நிவாரண உதவிகளை வழங்கினாா்.

மேல்வில்வராயநல்லூா் ஊராட்சியில் திமுக சாா்பில் தூய்மைக் காவலா்கள், துப்புரவுப் பணியாளா்கள், மேல்நிலை நீா்த் தேக்கத் தொட்டி இயக்குநா்கள் ஆகியோருக்கு அரிசி, மளிகைப் பொருள்கள், முகக் கவசம், கை சுத்திகரிப்பான் ஆகியவற்றை ஒன்றியத் தலைவா் ஆா்.அன்பரசி ராஜசேகரன் வழங்கினாா்.

திமுக ஒன்றியச் செயலா்கள் க.சுப்பிரமணியன், அ.சிவக்குமாா், மாவட்ட ஊராட்சி உறுப்பினா் பட்டம்மாள், ஒன்றிய உறுப்பினா் பிச்சாண்டி, ஒன்றிய துணைச் செயலா் குப்பன் உள்பட திமுகவினா் பலா் கலந்துகொண்டனா்.