அசுத்தமான குடிநீர் விநியோகம்:கண்டித்து மறியல்

சத்துவாச்சாரியில் விநியோகிக்கப்படும் குடிநீர் மாசுபட்டிருப்பதாகக் கூறி, அந்தப் பகுதியினர் திடீர் சாலை மறியலில் ஈடுபட்டனர்.

18-ஆவது வார்டை சேர்ந்த காந்தி நகரில் திங்கள்கிழமை வழங்கப்பட்ட குடிநீர் கலங்கலாக இருந்தது.

இதையடுத்து, 25-க்கும் மேற்பட்ட பெண்கள் அணுகு சாலையில் திடீர் மறியலில் ஈடுபடத் தொடங்கினர். தகவல் அறிந்த சத்துவாச்சாரி மண்டல அலுவலர் வெங்கடேசன் அங்கு சென்று, சமரசம் செய்தார்.