பலத்த மழை: தடுப்பணைகள் நிரம்பின

ஆம்பூரில் வெள்ளிக்கிழமை இரவு பெய்த பலத்த மழையால், தடுப்பணைகள் நிரம்பி வழிகின்றன.

ஆம்பூர், அதன் சுற்றுப்புறப் பகுதிகளில் வெள்ளிக்கிழமை நள்ளிரவு திடீரென தொடங்கிய மழை விடாமல் அதிகாலை வரை தொடர்ந்தது.

நாயக்கனேரி மலைப்பகுதியில் பெய்த கன மழையால் கானாற்றில் வெள்ளம் பெருக்கெடுத்து ஓடியது. இதனால், ஆனைமடுகு, நதிசீலாபுரம் தடுப்பணைகள் நிரம்பி வழிந்தன.

நதிசீலாபுரம் பகுதி தடுப்பணையில் தண்ணீர் நிரம்பி வழிவதை நகர்மன்றத் தலைவர் சங்கீதா பாலசுப்பிரமணி பார்வையிட்டார்.  நகராட்சி ஆணையர் (பொறுப்பு) எல்.குமார் உடனிருந்தார். தடுப்பணைகளில் தண்ணீர் வற்றி சிறிதளவே தேங்கியிருந்தது.

இந்த நிலையில், இவை நிரம்பியதால், விவசாயிகள் மகிழ்ச்சி அடைந்துள்ளனர்.

தடுப்பணைகளைத் தூர்வாரினால் அதிக அளவு தண்ணீர் சேமிக்கப்படும் என்றும் அவர்கள் கோரிக்கை வைத்துள்ளனர்.