மரத்தில் பைக் மோதியதில் இளைஞர் சாவு

ஆம்பூர் அருகே சாலையோர மரத்தில் பைக் மோதிய விபத்தில் இளைஞர் புதன்கிழமை இறந்தார்.
ஆம்பூர் அருகே சின்னவரிக்கம் கிராமத்தைச் சேர்ந்தவர் பிரசாந்த் (27). இவர், தனது நண்பர்களுடன் பேர்ணாம்பட்டு சென்றுவிட்டு பைக்கில் ஊருக்கு திரும்பிக் கொண்டிருந்தார். 
மாச்சம்பட்டு கிராமம் அருகே சென்றபோது நிலைத்தடுமாறி சாலையோர மரத்தில் பைக் மோதியது. 
இதில் பலத்த காயமடைந்த பிரசாந்த் ஆம்பூர் அரசு மருத்துவமனையில் சேர்க்கப்பட்டு, அங்கு இறந்தார். இதுகுறித்து உமர்ஆபாத் போலீஸார் வழக்குப் பதிவு செய்து விசாரணை 
நடத்தி வருகின்றனர்.