கருமலை குரூப்பில் 20 சதவீத போனஸ்

வால்பாறை, அக். 8: வால்பாறையை அடுத்துள்ள கருமலை குரூப் எஸ்டேட்களில் பணியாற்றும் தொழிலாளர்களுக்கு 20 சதவீதம் போனஸ் வழங்க முடிவு செய்துள்ளனர்.

 ÷கருமலை குரூப் தேயிலைத் தோட்ட நிர்வாகத்தினருக்கு கருமலை, அக்காமலை, நடுமலை, வெள்ளமலை உள்ளிட்ட எஸ்டேட்கள் உள்ளன.

 இங்கு பணியாற்றும் தொழிலாளர்களுக்கான 2010-11ம் ஆண்டுக்கான போனஸ் பேச்சுவார்த்தை சனிக்கிழமை காலை கருமலை எஸ்டேட் அலுவலகத்தில் நடைபெற்றது.

 ÷நிர்வாகத் தரப்பில் பொது மேலாளர் சுரேஷ் திவாரி, தொழிற்சங்கத் தலைவர்கள் வி.அமீது (அதிமுக), வி.பி.சிங்காரவேலு (திமுக), கேசவமருகன் (வி.சிறுத்தைகள்), பிச்சை (ஏஐடியுசி) உள்ளிட்டோர் கலந்து கொண்டனர்.

 ÷பேச்சுவார்த்தை முடிவில் 20 சதவீதம் போனஸ் வழங்க உடன்பாடு ஏற்பட்டுள்ளது. இதன்படி, வரும் 15ம் தேதி அங்கு பணியாற்றும் சுமார் 2,500 தொழிலாளர்களுக்கு ரூ. 1.5 கோடி தொகையை நிர்வாகத்தினர் வழங்க உள்ளதாக, அதிமுக தொழிற்சங்கத் தலைவர் வி.அமீது கூறினார்.