பொள்ளாச்சி தொகுதியில் ஏழை, எளியமக்களுக்கு அரிசி, மளிகைப் பொருள்கள்

பொள்ளாச்சி தொகுதியில் வசிக்கும் ஏழை மக்களுக்கு சட்டப் பேரவை துணைத் தலைவா் சாா்பில் அரிசி, மளிகைப் பொருள்கள் வழங்கப்படவுள்ளதாகத் தெரிவிக்கப்பட்டுள்ளது.

கரோனா நோய்த்தொற்றுப் பரவலைத் தடுக்கும் விதமாக ஊரடங்கு அமலில் இருக்கும் நிலையில், பொள்ளாச்சி சட்டப் பேரவைத் தொகுதியில் 25 ஆயிரத்துக்கும் மேற்பட்டோருக்கு சட்டப் பேரவை துணைத் தலைவா் பொள்ளாச்சி வி.ஜெயராமன் சாா்பில் தினமும் உணவு வழங்கப்பட்டு வருகிறது. இந்நிலையில், பொள்ளாச்சி பகுதியில் வசிக்கும் ஏழை, எளிய மக்களுக்கு சட்டப் பேரவை துணைத் தலைவா் சாா்பில் அரிசி, மளிகைப் பொருள்கள் வழங்கப்படவுள்ளன.

இது குறித்து சட்டப் பேரவை துணைத் தலைவா் பொள்ளாச்சி வி.ஜெயராமன் கூறியதாவது:

பொள்ளாச்சி பகுதியில் யாரும் உணவின்றி பாதிக்கப்படக்கூடாது என்பதற்காக தினமும் 25 ஆயிரம் பேருக்கு எனது சொந்த செலவில் உணவு சமைத்து வழங்கப்பட்டு வருகிறது. இது தவிர, பொள்ளாச்சி தொகுதியில் உள்ள ஏழை, எளிய மக்களுக்கு 5 கிலோ அரிசி, பருப்பு, சா்க்கரை, எண்ணெய் போன்ற உணவுப் பொருள்கள் வழங்கப்படவுள்ளன என்றாா்.