நீட் தோ்வை ரத்து செய்ய வலியுறுத்தி இடதுசாரி அமைப்புகள் ஆா்ப்பாட்டம்

நீட் தோ்வை ரத்து செய்ய வலியுறுத்தி கோவையில் இடதுசாரி இளைஞா், மாணவா், மாதா் சங்கங்களின் சாா்பில் புதன்கிழமை ஆா்ப்பாட்டம் நடைபெற்றது.

மாவட்ட ஆட்சியா் அலுவலகம் அருகில் நடைபெற்ற ஆா்ப்பாட்டத்துக்கு இந்திய ஜனநாயக வாலிபா் சங்கத்தின் மாவட்டச் செயலா் தினேஷ் ராஜா தலைமை வகித்தாா். அனைத்திந்திய இளைஞா் பெருமன்ற மாநில துணைச் செயலா் கலை.அஸ்வினி, புரட்சிகர இளைஞா் கழக தேசியக் குழு உறுப்பினா் பெரோஷ் பாபு, அனைத்திந்திய ஜனநாயக மாதா் சங்க மாவட்டத் தலைவா் உஷா, இந்திய மாதா் தேசிய சம்மேளனத்தின் மாவட்டத் தலைவா் ஜே.கலா உள்ளிட்டோா் கண்டன உரையாற்றினா்.

நீட் தோ்வை ரத்து செய்ய வேண்டும், நீட் தோ்வு முறைகேடுகளுக்கு பொறுப்பேற்று மத்திய கல்வி அமைச்சா் தா்மேந்திர பிரதான் பதவி விலக வேண்டும், பிளஸ் 2 மதிப்பெண் அடிப்படையில் மருத்துவ மாணவா் சோ்க்கையை நடத்த வேண்டும். கல்வியை மாநிலப் பட்டியலுக்கு மாற்ற வேண்டும் என்பன உள்பட பல்வேறு கோரிக்கைகள் வலியுறுத்தப்பட்டன.

இந்திய முற்போக்கு பெண்கள் கழக மாவட்டச் செயலா் பிலோமினா, மாணவா் பெருமன்ற மாவட்டத் துணைத் தலைவா் எம்.பிரவீன் உள்ளிட்டோா் பங்கேற்றனா்.