கோவை விமான நிலையத்தில் 808 கிராம் தங்கம் பறிமுதல்

கோவை சா்வதேச விமான நிலையத்தில் ஷாா்ஜாவிலிருந்து பெண் பயணி ஒருவா் உள்ளாடைகளில் மறைத்து கடத்தி வந்த ரூ.1.15 கோடி மதிப்பிலான 808.27 கிராம் (101 பவுன்) தங்கத்தை சுங்கத் துறை நுண்ணறிவுப் பிரிவு அதிகாரிகள் திங்கள்கிழமை பறிமுதல் செய்தனா்.

ஷாா்ஜாவிலிருந்து கோவை விமான நிலையத்துக்கு திங்கள்கிழமை அதிகாலை விமானம் வந்தது. அந்த விமானத்தில் வந்த பயணிகளின் உடைமைகளை, சுங்கத் துறை நுண்ணறிவுப் பிரிவு அதிகாரிகள் சோதனை செய்தனா். அப்போது, பெண் பயணி ஒருவரை சந்தேகத்தின்பேரில் அதிகாரிகள் தடுத்து நிறுத்தி சோதனை மேற்கொண்டனா். அப்போது, அவா் தனது உள்ளாடைகளுக்குள் பசை (பேஸ்ட்) வடிவில் 808.27 கிராம் எடையுடைய (24 காரட்) தங்கத்தை மறைத்து கடத்தியது தெரியவந்தது.

இதைத் தொடா்ந்து, அந்த தங்கத்தை அதிகாரிகள் பறிமுதல் செய்தனா். இதுதொடா்பாக அந்தப் பெண் பயணியிடம் சுங்கத் துறை அதிகாரிகள் தொடா்ந்து தீவிர விசாரணை மேற்கொண்டு வருகின்றனா். இந்த கடத்தல் தங்கத்தின் சா்வதேச மதிப்பு ரூ.1.15 கோடி என அதிகாரிகள் தெரிவித்தனா்.