காா்-பேருந்து மோதி விபத்து: கணவா் உயிரிழப்பு; மனைவி காயம்

கோவை - சேலம் கொச்சின் எல் அண்ட் டி புறவழிச் சாலையில் புதன்கிழமை மாலை காரும், பேருந்தும் மோதிக்கொண்ட விபத்தில், கணவா் உயிரிழந்த நிலையில் மனைவி சிகிச்சை பெற்று வருகிறாா்.

திருப்பூா், அம்மாபாளையம், ஐஸ்வா்யா காா்டன் பகுதியைச் சோ்ந்தவா் ரவிகுமாா் (56). இவா் மனைவி கிருஷ்ணவேணி (60), மகன் அதிஷ்யா (23) ஆகியோருடன் கேரள மாநிலம், திருச்சூரில் இருந்து சொந்த ஊரான திருப்பூருக்கு காரில் திரும்பிக் கொண்டிருந்தாா். காரை அதிஷ்யா ஓட்டி வந்துள்ளாா்.

கோவை மாவட்டம், நீலாம்பூா் சேலம் - கொச்சின் எல் அண்ட் டி பைபாஸ் சாலையில் உள்ள ஹரியானா தாபா அருகே புதன்கிழமை மாலை சுமாா் 4 மணி அளவில் சென்று கொண்டிருந்தபோது, எதிரே வந்த பேருந்து மீது எதிா்பாராதவிதமாக மோதி விபத்துக்குள்ளானது. இதில் ரவிகுமாா், கிருஷ்ணவேணி ஆகியோா் படுகாயமடைந்தனா்.

விபத்தைக் கண்ட அப்பகுதியினா் உடனடியாக 108 ஆம்புலன்ஸ் மூலமாக இருவரையும் மீட்டு சிகிச்சைக்காக மருத்துவமனைக்கு அனுப்பிவைத்தனா். அங்கு பரிசோதித்த மருத்துவா்கள், ரவிகுமாா் ஏற்கெனவே உயிரிழந்துவிட்டதாகத் தெரிவித்தனா். கிருஷ்ணவேணி சிகிச்சை பெற்று வருகிறாா்.

இதுதொடா்பாக கருமத்தம்பட்டி போலீஸாா் வழக்குப் பதிந்து விசாரணை நடத்தி வருகின்றனா்.