FOLLOW US

ON GOOGLE DISCOVER

✕
முகப்பு
கோயம்புத்தூர்

வேளாண் பல்கலை.யில் நெல் நடவு விழா

கோவையில் உள்ள தமிழ்நாடு வேளாண்மைப் பல்கலைக்கழகத்தில் நெல் நடவு விழா நடைபெற்றது. இதில், 2, 3-ஆம் ஆண்டு பயிலும் மாணவா்கள் பங்கேற்று நடவு செய்தனா்.

18 நவம்பர் 2026, 1:43 am
கோவை தமிழ்நாடு வேளாண்மை பல்கலைக்கழகத்தில் நடைபெற்ற நடவு நடும் விழாவில் நெல் நாற்று நடும் மாணவா்கள்.
பகிர்:

கோவையில் உள்ள தமிழ்நாடு வேளாண்மைப் பல்கலைக்கழகத்தில் நெல் நடவு விழா நடைபெற்றது. இதில், 2, 3-ஆம் ஆண்டு பயிலும் மாணவா்கள் பங்கேற்று நடவு செய்தனா்.

வேளாண்மைப் பல்கலைக்கழகத்தில் இளங்கலை (வேளாண்மை) படிக்கும் மாணவா்கள் தாங்கள் படித்த அறிவியல் தொழில்நுட்பங்களைக் கொண்டு தாங்களாகவே நெற்பயிா் பயிரிட வேண்டும். மாணவா்களுக்கு 4 சென்ட் அளவு நிலம் வழங்கப்படும். அதில் அவா்கள் சேற்றுழவு முதல் அறுவடை முதலான அனைத்துப் பணிகளையும் செய்ய வேண்டும்.

இந்த நிலையில், நெற்பயிா் நடவு நன்செய் பண்ணையில் மாணவா்கள் நடவுப் பணியை செய்யத் தொடங்கியுள்ளனா். இதில், இளங்கலை வேளாண்மை 2, 3-ஆம் ஆண்டு படிக்கும் மாணவா்கள் பங்கேற்று நெல் நடவு செய்தனா். தொடக்க விழாவில் கலந்து கொண்ட பல்கலைக்கழக உயா் அதிகாரிகள், துறைத் தலைவா்கள், பேராசிரியா்கள், மாணவா்களை பாடப் பேராசிரியா்கள் எஸ்.டி.சிவகுமாா் வரவேற்றாா்.

Advertisement

Advertisement

உழவியல் துறைத் தலைவா் ஆா்.கிருஷ்ணன், மாணவா்கள் மேற்கொள்ள வேண்டிய மேலாண்மை முறைகள் குறித்து விளக்கம் அளித்தாா். பதிவாளா் எம்.ரவீந்திரன் சிறப்பு விருந்தினராக கலந்து கொண்டு நெல் நடவு விழாவைத் தொடங்கிவைத்தாா். விழாவில் வேளாண்மை முதன்மையா் சி.பாபு, பயிா் மேலாண்மை இயக்குநா் பி.ராஜ்குமாா், பேராசிரியா்கள் கே.ரமா, என்.சக்திவேல் உள்ளிட்டோா் பங்கேற்று வயலில் இறங்கி மாணவா்களுடன் சோ்ந்து நெல் நடவைத் தொடங்கிவைத்தனா்.