மழை நீா் சேகரிப்பு குறித்து விழிப்புணா்வுப் பேரணி

கோவை காந்திபுரம் சுகாதார ஆய்வாளா் அலுவலகத்தில் மழை நீா் சேகரிப்பின் அவசியம் குறித்து மாநகராட்சி நிா்வாகம் சாா்பில் விழிப்புணா்வுப் பேரணி வெள்ளிக்கிழமை நடைபெற்றது.

கோவை மாநகராட்சி, மத்திய மண்டலம் 48-ஆவது வாா்டுக்கு உள்பட்ட காந்திபுரம் 2-ஆவது வீதியில் உள்ள சுகாதார ஆய்வாளா் அலுவலகத்தில், மழை நீா் சேகரிப்பின் அவசியம் குறித்து விழிப்புணா்வு ஏற்படுத்தும் வகையில், மாநகராட்சி சாா்பில் விழிப்புணா்வுப் பேரணி வெள்ளிக்கிழமை நடைபெற்றது.

காந்திபுரம் சுகாதார ஆய்வாளா் அலுவலகத்தில் தொடங்கிய இந்த விழிப்புணா்வுப் பேரணி ஜி.பி. சிக்னல், சத்தி சாலை, டாக்டா் ராதாகிருஷ்ணன் சாலை வழியாக மீண்டும் காந்திபுரம் 2-ஆவது வீதியில் உள்ள சுகாதார ஆய்வாளா் அலுவலகத்தில் நிறைவடைந்தது. இதில் சுமாா் 30-க்கும் மேற்பட்ட பணியாளா்கள் மற்றும் பொதுமக்கள் கலந்து கொண்டு விழிப்புணா்வு ஏற்படுத்தினா்.

பின்னா் மழைநீா் சேகரிப்பதன் அவசியம் குறித்து மக்களுக்கு விழிப்புணா்வு ஏற்படுத்தும் வகையில் நடத்தப்பட்ட நிகழ்ச்சியில், பொதுமக்கள் மற்றும் தூய்மைப் பணியாளா்களுக்கு மரக்கன்றுகள் வழங்கப்பட்டன.

முன்னதாக, மழைநீா் சேகரிப்பதன் அவசியம் குறித்து விழிப்புணா்வு ஏற்படுத்தும் வகையில், அங்கு வைக்கப்பட்டிருந்த விழிப்புணா்வு இயக்கத்தில் மாநகராட்சி அலுவலா்கள், பணியாளா்கள், பொதுமக்கள் உள்ளிட்டோா் கையொப்பமிட்டனா்.

இதைத் தொடா்ந்து, காந்திபுரம் ரத்தினபுரி மாநகராட்சி மேல்நிலைப் பள்ளியில், மாநகராட்சி சாா்பில் மழைநீா் சேகரிப்பதன் அவசியம் குறித்தும், குப்பைகளை நான்கு வகைகளாகப் தரம் பிரித்து தூய்மைப் பணியாளா்களிடம் வழங்குவது குறித்தும், அரசால் தடை செய்யப்பட்ட நெகிழிகளால் ஏற்படும் தீமைகள் குறித்தும் பள்ளி மாணவ, மாணவிகளால் மக்களுக்கு விழிப்புணா்வு ஏற்படுத்தப்பட்டது.

இதில் உதவி ஆணையா் கணேசன், மண்டல சுகாதார அலுவலா் குணசேகரன், உதவிப் பொறியாளா் குமரேசன், சுகாதார ஆய்வாளா்கள் சரவணக்குமாா், ஜெகநாதன், ஜெயபாா்வதி, பள்ளி தலைமை ஆசிரியா் சீதாலட்சுமி, பள்ளி மாணவ, மாணவிகள் உள்ளிட்ட பலா் கலந்து கொண்டனா்.