மாணவா்கள் தங்கியிருந்த வீட்டில் மடிக்கணினிகள், கைப்பேசிகள் திருட்டு

கோவை அருகே கல்லூரி மாணவா்கள் தங்கியிருந்த வாடகை வீட்டில் மடிக்கணினிகள் மற்றும் கைப்பேசிகளை மா்ம நபா்கள் திருடிச் சென்றனா்.

கோவைப்புதூா் வட்டாரப் போக்குவரத்து அலுவலகம் எதிரே வாடகை வீட்டில் தனியாா் கல்லூரியில் மூன்றாம் ஆண்டு பயிலும் அஸ்வத் (22) என்பவா் தனது கல்லூரி நண்பா்கள் 6 பேருடன் தங்கிப் பயின்று வருகிறாா்.

இந்த நிலையில், கடந்த 5-ஆம் தேதி இரவு மாணவா்கள் தங்களது மடிக்கணினிகள் மற்றும் கைப்பேசிகளை தங்கியிருந்த முன் அறையில் வைத்துவிட்டு உறங்கச் சென்றுள்ளனா்.

மறுநாள் அதிகாலை இவரது நண்பா் ஒருவா் கதவைத் திறந்து வைத்துவிட்டு மற்றொரு நண்பரைப் பாா்க்க வெளியே சென்ற சமயத்தில், வீட்டுக்குள் புகுந்த அடையாளம் தெரியாத நபா் அங்கிருந்த 5 மடிக்கணினிகள் மற்றும் 3 கைப்பேசிகள் ஆகியவற்றை திருடிச் சென்றாா்.

இதுகுறித்து அஸ்வத் அளித்த புகாரின்பேரில் குனியமுத்தூா் காவல் நிலைய உதவி ஆய்வாளா் வீரபவானந்தம் வழக்குப் பதிவு செய்து விசாரணை நடத்தி வருகிறாா்.