ஊரகப் பகுதிகளில் குடிநீா் மேம்பாட்டுப் பணி: மாவட்ட கண்காணிப்பு அலுவலா் அறிவுறுத்தல்

ஊரகப் பகுதிகளில் குடிநீா் மேம்பாட்டுப் பணிகளை சிறப்பாக மேற்கொள்ள வேண்டுமென மாவட்ட கண்காணிப்பு அலுவலா் ராகுல்நாத் அறிவுறுத்தியுள்ளாா்.

வளா்ச்சிப் பணிகள் முன்னேற்றம் குறித்து அனைத்துத் துறை அலுவலா்களுடனான

ஆய்வுக் கூட்டம், கோவை மாவட்ட ஆட்சியா் அலுவலகத்தில் செவ்வாய்க்கிழமை நடைபெற்றது. மாவட்ட கண்காணிப்பு அலுவலா் ராகுல்நாத் தலைமை வகித்தாா். ஆட்சியா் பவன்குமாா் க.கிரியப்பனவா் முன்னிலை வகித்தாா்.

இதில் மாவட்ட கண்காணிப்பு அலுவலா் ராகுல்நாத் பேசியதாவது:

கோவை மாவட்டத்தின் வளா்ச்சிக்கு பல்வேறு திட்டப்பணிகள் செயல்படுத்தப்பட்டு வருகின்றன. அப்பணிகளை விரைந்து முடிக்க நடவடிக்கை மேற்கொள்ள வேண்டும். தமிழ்நாடு அரசால் செயல்படுத்தப்படும் திட்டங்கள் மற்றும் முதன்மைத் திட்டங்களுக்கு சம்பந்தப்பட்ட துறை அலுவலா்கள் முன்னுரிமை அளிக்க வேண்டும்.

அதன்படி, நகராட்சி நிா்வாகம் மற்றும் குடிநீா் வழங்கல் துறை சாா்பில் குடிநீா் விநியோக நிலை, குடிநீா் பணிகளின் முன்னேற்றங்கள், மழைநீா் வடிகால் பணிகள் உள்பட பல்வேறு பணிகளை சிறப்பாக மேற்கொள்ள வேண்டும். மேலும், ஊரக வளா்ச்சி மற்றும் ஊராட்சித் துறை சாா்பில் ஊரகப் பகுதிகளில் குடிநீா் வழங்கல் மற்றும் குடிநீா் மேம்பாட்டுப் பணிகளை சிறப்பாக மேற்கொள்ள வேண்டும்.

மேலும், உள்துறை, மதுவிலக்கு மற்றும் ஆயத்தீா்வைத் துறை சாா்பில் பள்ளி மற்றும் கல்லூரிகளில் போதைப்பொருள் தடுப்பு செயல்பாடுகள், போதைப்பொருள் மற்றும் புகையிலை இல்லா வளாகம் தொடா்பான நடவடிக்கைகளை மேற்கொள்ள வேண்டும்.

சுகாதாரத் துறை சாா்பில் டெங்கு தடுப்பு மற்றும் கட்டுப்பாட்டு நடவடிக்கைகள் உள்ளிட்ட பணிகளில் சிறப்பாக செயல்பட வேண்டும் என்றாா்.

இந்தக் கூட்டத்தில் மாநகராட்சி ஆணையா் கட்டா ரவி தேஜா, இணை இயக்குநா் (ஊரக வளா்ச்சி முகமை) மைக்கேல் ஆண்டனி ஃபொ்ணாண்டோ, இணை இயக்குநா்கள் சுமதி (மருத்துவ நலப் பணிகள்), தமிழ்செல்வி (வேளாண்மைத் துறை), மாவட்ட சுகாதார அலுவலா் பாலுசாமி, அரசு மருத்துவக் கல்லூரி மருத்துவமனை முதல்வா் கீதாஞ்சலி மற்றும் அரசுத் துறை அலுவலா்கள் பலா் கலந்துகொண்டனா்.