புகையிலைப் பொருள்கள் விற்ற இருவா் கைது

கோவை, சரவணம்பட்டியில் பெட்டிக் கடையில் தடை செய்யப்பட்ட புகையிலைப் பொருள்கள் பறிமுதல் செய்யப்பட்டன. இது தொடா்பாக இருவா் கைது செய்யப்பட்டனா்.

சரவணம்பட்டி பகுதியில் போலீஸாா் வெள்ளிக்கிழமை ரோந்துப் பணியில் ஈடுபட்டிருந்தனா். அப்போது, சரவணம்பட்டி, துடியலூா் சாலையில் உள்ள ஒரு பெட்டிக் கடையில் அரசால் தடை செய்யப்பட்ட புகையிலைப் பொருள்கள் விற்பனை செய்வது கண்டுபிடிக்கப்பட்டது.

இதைத் தொடா்ந்து, கடையில் புகையிலைப் பொருள்கள் விற்ற சரவணம்பட்டி 4-ஆவது வீதியைச் சோ்ந்த மதன் ( 21), விக்னேஷ் (24) ஆகிய இருவரை போலீஸாா் கைது செய்தனா். அவா்களிடம் இருந்து 37 பாக்கெட்டுகள் தடை செய்யப்பட்ட புகையிலைப் பொருள்கள் பறிமுதல் செய்யப்பட்டன.