ஊர்க்காவல் படைக்கு விண்ணப்பித்தவர்களின் சான்றிதழ் சரிபார்ப்பு

ஈரோடு மாவட்டத்தில் ஊர்க்காவல் படைக்கு விண்ணப்பித்தவர்களின் சான்றிதழ் சரிபார்க்கும் பணி நடைபெற்று வருகிறது.

 ஈரோடு மாவட்டத்தில் ஊர்க்காவல் படை பிரிவில் 35 பெண்களும், 74 ஆண்களும் என மொத்தம் 109 காலிப்பணியிடங்கள் அறிவிக்கப்பட்டிருந்தன.

 ஊர்க்காவல் படை பிரிவில் சேர்ந்து பணியாற்ற விருப்பம் தெரிவித்து 122 பேர் விண்ணப்பித்திருந்தனர். இவர்களின் சான்றிதழ் சரிபார்க்கும் பணி ஈரோடு மாவட்டக் காவல் அலுவலகத்தில்  வெள்ளிக்கிழமை முதல் நடைபெற்று வருகிறது. இதில், மொத்தம் 109 பேர் கலந்துகொண்டு, தங்களது சான்றிதழ்களை சமர்ப்பித்தனர்.

 சான்றிதழ்களை ஜே பிரிவு கண்காணிப்பாளர் சுப்பிரமணியன் சரிபார்த்தார். இந்த பணி திங்கள்கிழமை நிறைவடைகிறது. சான்றிதழ் சரிபார்ப்பு பணிகள் முடிவடைந்து, அதில் தேர்ந்தெடுக்கப்படுபவர்களுக்கு சில தினங்களில் ஈரோடு ஆனைக்கல்பாளையத்தில் உள்ள ஆயுதப்படை மைதானத்தில் பயிற்சி அளிக்கப்படுகிறது.

 பயிற்சி முடிவடைந்தவுடன் இவர்கள் போலீஸாருடன் இணைந்து பணியாற்றுவர்.