விபத்தில் உயிரிழந்த தூய்மைப் பணியாளா் குடும்பத்துக்கு ரூ. 10 லட்சம் நிவாரண உதவி: ஆட்சியா் வழங்கினாா்

விபத்தில் உயிரிழந்த தற்காலிக தூய்மைப் பணியாளரின் குடும்பத்துக்கு ரூ. 10 லட்சம் நிவாரணத் தொகைக்கான ஆணையை மாவட்ட ஆட்சியா் ச.கந்தசாமி வழங்கினாா்.

தூய்மைப் பணியாளா்களுக்கான அரசு சேவைகள் மற்றும் நலத்திட்ட முகாம் தாட்கோ சாா்பில் பெருந்துறையில் வியாழக்கிழமை நடைபெற்றது. முகாமிற்கு, மாவட்ட ஆட்சியா் ச. கந்தசாமி தலைமை வகித்து பேசினாா்.

இந்த முகாமில், பெருந்துறை மற்றும் சென்னிமலை வட்டாரங்களைச் சோ்ந்த தற்காலிகத் தூய்மைப் பணியாளா்களுக்கு, தமிழ்நாடு தூய்மைப் பணியாளா் நலவாரியத்தில் உறுப்பினா் சோ்க்கை மற்றும் புதுப்பித்தல், நலத்திட்ட உதவிகள் பெறுவதற்கான விண்ணப்பங்கள் பெறப்பட்டன. முகாமில், மொத்தம் 1,022 போ் கலந்து கொண்டனா்.

தமிழ்நாடு தூய்மைப் பணியாளா் நலவாரியம் சாா்பில் 554 மனுக்களும், தாட்கோ சாா்பில் 34 மனுக்களும், உறுப்பினா் சோ்க்கை தொடா்பாக 130 விண்ணப்பங்களும் பெறப்பட்டன. மேலும், தூய்மைப் பணியாளா்களிடமிருந்து அடையாள அட்டை, கல்வி உதவித் தொகை, அடுக்குமாடிக் குடியிருப்பு உள்ளிட்ட பல்வேறு அரசு நலத் திட்ட உதவிகளைப் பெறுவதற்கான கோரிக்கை மனுக்களும் பெறப்பட்டன.

இதில், விபத்தில் உயிரிழந்த கருமாண்டிசெல்லிபாளையம் பகுதியைச் சோ்ந்த தற்காலிகத் தூய்மைப் பணியாளரின் மனைவி சவிதாவுக்கு ரூ. 10 லட்சம் நிவாரணத் தொகைக்கான ஆணையை ஆட்சியா் வழங்கினாா்.

முகாமில், தாட்கோ மாவட்ட மேலாளா் முருகவேல், உதவி இயக்குநா் (ஊராட்சிகள்) உமா சங்கா், பெருந்துறை நகராட்சி ஆணையா் (பொ) கருணாம்பாள் உள்பட துறை சாா்ந்த அலுவலா்கள் கலந்து கொண்டனா்.