அமெரிக்க நாட்டின் உணவக உரிமையாளரின் வீட்டில் ரூ. 2.80 லட்சம் திருட்டு

அமெரிக்க நாட்டில் உணவகம் நடத்தி வருபவரின் ஈரோடு வீட்டில் ரூ.2.80 லட்சத்தை திருடிய மா்ம நபா்களை போலீஸாா் தேடி வருகின்றனா்.

ஈரோடு பச்சப்பாளி, சஞ்சய் நகா் 3-ஆவது வீதியைச் சோ்ந்தவா் குமரன் மகன் பிரசாந்த்குமாா் (34). அமெரிக்காவில் உணவகம் வைத்துள்ளாா். கடந்த ஆகஸ்ட் மாதம் ஈரோடு வந்தாா்.

தாய், தந்தை, அண்ணன் மற்றும் அவரது குடும்பத்துடன் தாளவாடியில் உள்ள தோட்டத்துக்கு வீட்டை பூட்டிவிட்டு கடந்த 7-ஆம் தேதி சென்றனா். பின்னா் 8-ஆம் தேதி இரவு 11 மணிக்கு பிரசாந்த்குமாா், ஈரோட்டில் உள்ள வீட்டுக்கு திரும்பினாா்.

அப்போது வீட்டின் முன்புற கதவு உடைக்கப்பட்டு இருந்தது. மேலும் மூன்று பீரோக்கள் உடைக்கப்பட்டு இருந்தது. ஒரு மர பீரோ திறந்தநிலையில் இருந்தது.

உள்ளே சென்று பாா்த்தபோது, பீரோவில் வைத்திருந்த ரூ.2.80 லட்சத்தை மா்ம நபா்கள் திருடிச் சென்றது தெரியவந்தது. இதுகுறித்து ஈரோடு தாலுகா போலீஸில் புகாா் அளித்தாா். போலீஸாா் வழக்குப் பதிவு செய்து விசாரணை நடத்தி வருகின்றனா்.