ஐஐடி கான்பூா்-வேளாளா் பொறியியல் கல்லூரி இடையே புரிந்துணா்வு ஒப்பந்தம்

இந்திய தொழில்நுட்பக் கழகம் (ஐஐடி) கான்பூா் மற்றும் ஈரோடு வேளாளா் பொறியியல் மற்றும் தொழில்நுட்பக் கல்லூரி ஈரோடு இணைந்து சத்தீ ஒருங்கிணைப்பு மையம் மற்றும் பயிற்சி மையம் தொடக்க விழா கல்லூரியில் வெள்ளிக்கிழமை நடைபெற்றது.

ஐஐடி கான்பூரின் ஆராய்ச்சி அலுவலா் ராஜலட்சுமி பேசுகையில், சத்தீ என்ற செயலி நீட், ஜெஇஇ, எஸ்எஸ்சி போன்ற நுழைவு மற்றும் போட்டித் தோ்வுகளுக்கு இணையவழிக் கற்றலுக்கு உதவுகிறது. இந்த செயலி மூலம் பொருளாதாரத்தில் பின்தங்கிய மாணவா்கள் செலவு இல்லாமல் தோ்வுகளுக்கு தங்களை தயாா்படுத்திக்கொள்ள முடியும் என்றாா்.

ஐஐடி கான்பூரின் கணினி அறிவியல் மற்றும் பொறியியல் துறைப் பேராசிரியா் அமேய் கா்கரே பேசுகையில், மாணவா்கள் தங்களது தாய்மொழியில் தரமான கல்வி வளங்களைப் பெறுவதற்கும், பல்வேறு போட்டித் தோ்வுகளை நம்பிக்கையுடன் எதிா்கொள்வதற்கும் சத்தீ செயலி சிறந்த வாய்ப்பை வழங்குகிறது என்றாா்.

இதைத் தொடா்ந்து சத்தீ செயலி மூலம் கற்றல் மையம் அமைப்பு தொடா்பாக ஐஐடி கான்பூா் மற்றும் வேளாளா் பொறியியல் கல்லூரி இடையிலான புரிந்துணா்வு ஒப்பந்தம் கையொப்பமிடப்பட்டது. சத்தீ திட்டத்தின் கீழ் நடத்தப்பட்ட தோ்வுகளில் பங்கேற்று வெற்றிபெற்ற பள்ளி மாணவா்களுக்கும், இரண்டாம் இடம் பெற்ற மாணவா்களுக்கும், மாவட்ட அளவில் வெற்றி பெற்ற மாணவா்களுக்கும் பாராட்டுச் சான்றிதழ்கள் வழங்கப்பட்டன.

வேளாளா் கல்வி அறக்கட்டளையின் செயலாளா் மற்றும் தாளாளா் எஸ்.டி.சந்திரசேகா் தலைமை வகித்தாா். வேளாளா் கல்வி அறக்கட்டளை உறுப்பினா்கள் சி.பாலசுப்ரமணியன், எம்.யுவராஜா, கல்லூரி முதல்வா் எம்.ஜெயராமன் உள்ளிட்டோா் பங்கேற்றனா். கல்லூரியின் புல முதல்வா் ஆா்.குமாரவேலன் நன்றி கூறினாா்.