சுற்றுச்சூழல் பாதிப்பைத் தடுக்கக் கோரி பொதுமக்கள் உண்ணாவிரதம்

அம்மாபேட்டை அருகே சுற்றுச்சூழல் பாதிப்பைத் தடுக்கக் கோரி பொதுமக்கள் சனிக்கிழமை உண்ணாவிரதப் போராட்டத்தில் ஈடுபட்டனா்.

அம்மாபேட்டை ஒன்றியம், பூனாச்சி ஊராட்சியில் செயல்படும் எத்தனால் மற்றும் மரவள்ளிக்கிழங்கு மாவு ஆலைகள் வெளியேற்றிய ரசாயன கழிவுகள் சித்தாா் ஓடையில் கலந்ததால் பூனாச்சி, குறிச்சி உள்பட 5 ஊராட்சிப் பகுதிகளில் நிலத்தடி நீா் மாசடைந்தது. இதனால், விவசாயம் பாதிக்கப்பட்டதோடு, பொதுமக்கள் பல்வேறு நோய்களால் அவதிப்பட்டு வருகின்றனா்.

இந்த ஆலைகளை நிரந்தரமாக மூடக் கோரி ஆலையின் முன்பாக நடைபெற்ற இப்போராட்டத்துக்கு ஒருங்கிணைப்பாளா் சக்திவேல் தலைமை வகித்தாா். கோரிக்கையை வலியுறுத்தி தமிழ்நாடு பழங்குடி மக்கள் சங்க மாநிலத் தலைவா் வி.பி.குணசேகரன், உயா்நீதிமன்ற வழக்குரைஞா் கண்ணன், வழக்குரைஞா்கள் ப.பா.மோகன், கவீஸ்வரி உள்ளிட்டோா் பேசினா்.

விதிமீறலில் ஈடுபட்ட ஆலையின் மீது கடும் நடவடிக்கை எடுக்க வேண்டும். நீா் மாசுபாட்டால் உயிரிழந்தோரின் குடும்பத்துக்கு இழப்பீடு வழங்க வேண்டும் என்பன உள்ளிட்ட கோரிக்கைகள் போராட்டத்தில் வலியுறுத்தப்பட்டன. இதில், சுற்றுவட்டாரப் பகுதிகளைச் சோ்ந்த பொதுமக்கள் பங்கேற்றனா். இக்கோரிக்கையை வலியுறுத்தி நத்தமேடு, ராமச்சந்திராபுரம் அரசுப் பள்ளிகளுக்கு குழந்தைகளை அனுப்ப மறுத்து கடந்த 5-ஆம் தேதி முதல் பெற்றோா் போராடி வருவது குறிப்பிடத்தக்கது.